ब्रिटिश राजवंशाशी जगाची जवळीक आजही अंशत: का असेना, पण टिकून आहे, हे यावरून दिसून येते, तर काहींना या गुलामगिरीच्या उरलेल्या खुणा वाटतात. रिपब्लिकनांना तर सत्ताप्रमुख लोकातून निवडलेला हवा आहे. ‘नॉट माय किंग’ असे घोषवाक्य लिहिलेले फलक त्यांच्या हाती दिसत होते. काहींनी तर रस्त्यावरही लोळण घेतली होती.
Read More
ब्रिटनचे राजे चार्ल्स तृतीय यांचा आलिशान राज्याभिषेक सोहळा मोठ्या थाटात पार पडला. या भव्यदिव्य सोहळ्याचा अंदाजे १०० दशलक्ष पाऊंडांचा खर्च आर्थिकदृष्ट्या गटांगळ्या खाणार्‍या ब्रिटनला करावा लागला. याविरोधात आणि ‘राजेशाही नकोच’ म्हणून ‘नॉट माय किंग’ अभियानही ब्रिटनमध्ये चर्चेचा विषय ठरले. त्यानिमित्ताने ब्रिटनचा माठ रिकामा असताना केलेला राजा चार्ल्सच्या राज्याभिषेकाचा थाट, राजेशाहीचा इतिहास आणि ब्रिटनचे राजकारण यांचा आढावा घेणारा या लेखाचा पहिला भाग.
ब्रिटनची राणी एलिझाबेथ द्वितीय यांच्या निधनानंतर सुपुत्र चार्ल्सच्या डोक्यावर वारसा हक्काने राजमुकूट स्थिरावला. तब्बल 73 वर्षांचा युवराज आणि ‘प्रिन्स ऑफ वेल्स’ आता ‘राजा चार्ल्स तृतीय’ म्हणून ‘क्राऊन’चा राज्यशकट हाकेल. पण, एलिझाबेथ जरी ब्रिटनची महाराणी म्हणून सुविख्यात असली तरी केवळ इंग्लंडमध्येच नव्हे, तर अन्य 14 ‘कॉमनवेल्थ’ अर्थातच राष्ट्रकुल देशांमध्येही सर्वाधिक काळ राज्य करणार्‍या या राणीला राष्ट्रप्रमुखाचा दर्जा होता.
