सांगली लोकसभेच्या जागेवरून महाविकास आघाडीतील काँग्रेस आणि उबाठा गटात गेले अनेक दिवस वाद सुरु होता. काँग्रेस नेते विश्वजित कदम आणि विशाल पाटील यांनी सांगलीच्या जागेवर दावा केला होता. मात्र, आता विश्वजित कदम उबाठा गटाच्या उमेदवाराच्या प्रचारात सहभागी झाल्याचे सांगण्यात येत आहे.
Read More
योद्धा शरण जात नाही, तेव्हा त्याला बदनाम केले जाते...’, अशी उद्विग्न प्रतिक्रिया नुकतीच उबाठा गटाचे आमदार भास्कर जाधव यांनी दिली. पण, त्यांचा रोख सत्ताधार्‍यांकडे नव्हता, तर स्वपक्षातील कट-कारस्थानांना कंटाळूनच त्यांनी जाहीर नाराजी व्यक्त केली. पक्षनेतृत्व आपल्या नाराजीची दखल घेईल, अशी त्यांना अपेक्षा होती. परंतु, उद्धव ठाकरेंनी त्यांना फारसे महत्त्व दिले नाही.
माझी माघार घ्यायची तयारी आहे. फक्त मित्रपक्षांनी शेतकऱ्याचा मुलगा खासदार म्हणून चालणार नाही, हे जाहीर करावं, असं वक्तव्य ठाकरे गटाचे उमेदवार चंद्रहार पाटील यांनी केलं आहे. सांगली लोकसभेच्या जागेसाठी सध्या मविआमध्ये वाद सुरु आहेत. काँग्रेसचे नेते विशाल पाटील यांनीसुद्धा उमेदवारी अर्ज भरल्याने आता विशाल पाटील आणि चंद्रहार पाटील यांच्यात सामना रंगल्याचे पाहायला मिळत आहे.
महाविकास आघाडीची सांगली लोकसभेची जागा उबाठा गट लढवणार असल्याचे सांगण्यात येत आहे. सांगलीच्या जागेवर काँग्रेस आणि उबाठा गटाकडून दावा सांगण्यात येत असून अखेर हा तिढा सुटल्याची माहिती पुढे आली आहे. या जागेवर आता डबल महाराष्ट्र केसरीचे चंद्रहार पाटील निवडणूक लढवणार असल्याची चर्चा सुरु आहे.
