दोडामार्ग - हत्तीच्या हल्ल्यात शेतकऱ्याच्या मृत्यू

दोडामार्ग जिल्ह्यातील मोर्ले गावातील ६५ वर्षीय शेतकरी यशवंत गवस हे मंगळवारी काजू बागेत फेरफटका मारण्यासाठी गेले होते. त्याठिकाणी पायवाटेच्या वरच्या बाजूला ओमकार नावाचा निमवयस्क तस्कर हत्ती फणस खात होता. गवस हे हत्तीच्या नजेरस पडताच त्याने गवस यांचा पाठलाद केला. बांबू बेटामध्ये त्यांना पकडून फेकून दिले. पुढे सोंडेने हात मोडला आणि नंतर त्यांच्या शरीरावर पाय ठेवला. हत्तीच्या या जोरदार हल्ल्यामुळे गवस यांचा जागीच मृत्यू झाला आहे.

 

 

या प्रकारामुळे हत्ती पकड मोहिमेची मागणीने पुन्हा एकदा जोर धरला आहे. सध्या सिंधुदुर्ग आणि कोल्हापूर मिळून आठ रानटी हत्तींचा वावर याठिकाणी आहे. यामधील काही हत्ती हे चंदगड, आजरा या भागात असून काही हत्ती हे दोडामार्ग तालुक्यात आहे. ओमकार नामक निमवस्यक हत्ती हा कळपापासून वेगळा झाला असून तो स्वतंत्रपणे वावरत आहे. या हत्तींमुळे होणारी पिकनुकसानी ही मोठ्या प्रमाणावर आहे. सिंधुदुर्गचे पालकमंत्री नितेश राणे यांनी हत्ती पकड मोहिमेची मागणी पूर्वीपासूनच जोर लावून धरली आहे. अशात आता जीवितहानी झाल्याने हत्ती पकड मोहिमेच्या मागणीने जोर धरला आहे.