‘ट्रम्प टॅरिफ’ भारताला नवीन संधींची दारं उघडणार

भारताला या आयातशुल्कवाढीमुळे अनेक क्षेत्रांमध्ये काम करण्याच्या संधी उपलब्ध होऊ शकतात. पहिलं क्षेत्र म्हणजे शेती. शेती क्षेत्राला यापुढील काळात मागणी येऊ शकते, तर त्या क्षेत्राला त्याचा फायदा मिळवून देण्यासाठी भारत सरकारने या क्षेत्रात गुंतवणूक केली पाहिजे. शेती क्षेत्रातील अनावश्यक गोष्टी म्हणजे खतांचा अनावश्यक वापर यांसारख्या गोष्टी कमी केल्या पाहिजेत. नुकसान कमी करण्यासाठी प्रयत्न होणे गरजेचे आहे. याबरोबरच या क्षेत्रातील लॉजिस्टिक्स, साठवण क्षमता यासर्वच गोष्टींवर काम करणे गरजेचे आहे. दुसरे क्षेत्र म्हणजे कापड उद्योग. हा उद्योग भारताची शतकानुशतकाची ओळख आहे, परंतु मध्यंतरीच्या काळात थोडे हे क्षेत्र मागे पडले होते. तरी आता त्याला उभारी येण्यासाठी भरपूर वाव तयार झाला आहे. त्यामुळे त्याचा फायदा भारताने करून घेतला पाहिजे. त्यानंतरचे महत्त्वाचे क्षेत्र म्हणजे इलेक्ट्रॉनिक्स या क्षेत्रातही भारताला येत्या काळात मोठा वाव निर्माण होऊ शकतो. परंतु, परत या क्षेत्रातील पायाभूत सुविधा आणि मनुष्यबळ यांच्यावर काम करणे गरजेचे आहे, हे नक्की नमूद करायला हवे.