आगामी महापालिका निवडणुकीत भाजपचाच वरचष्मा : पदाधिकार्‍यांना विश्वास

 

डोंबिवली : (  Dombivli BJP West Mandal President Sameer Chitnis and Dombivli East Mandal President Mukund Pednekar ) केंद्रात आणि राज्यात भाजपचे सरकार आहे. ‘शतप्रतिशत भाजप’ हे धोरण पूर्वीपासून राहिले आहे. आता कल्याण जिल्हा भाजपचे उद्दिष्ट ‘आगामी महापालिका निवडणुका’ राहणार आहे. रविवार, दि. 6 एप्रिल रोजी भाजपचा स्थापना दिवस आहे. त्यानिमित्ताने कल्याण-डोंबिवली स्थानिक पातळीवर पुढील वाटचाल कशी राहील, काय उद्दिष्ट आणि ध्येय राहील, याबाबत डोंबिवली भाजप पश्चिम मंडल अध्यक्ष समीर चिटणीस आणि डोंबिवली पूर्व मंडल अध्यक्ष मुकुंद पेडणेकर यांच्याशी दै. ‘मुंबई तरुण भारत’च्या कल्याण-डोंबिवली प्रतिनिधी जान्हवी मोर्ये यांनी साधलेला संवाद...

 

 

समीर - भाजपने राबविलेल्या प्राथमिक सदस्यनोंदणी अभियानाचा अनुभव अत्यंत प्रेरणादायी होता. देशात पंतप्रधान नरेंद्र मोदी यांची लोकप्रियता आहे. देवेंद्र फडणवीस यांच्या नेतृत्वाखाली ‘डबल इंजिन’ सरकारने केलेली विकासकामे आणि भाजपचे कार्यकारी प्रदेश अध्यक्ष रविंद्र चव्हाण यांची विकासकामे, त्यांचे मतदारांशी असलेले सलोख्याचे संबंध आणि तळागाळातील कार्यकर्त्यांनी केलेली मेहनत, या सर्वांची फलश्रुती म्हणजे डोंबिवलीचे सदस्यनोंदणीचे उद्दिष्ट पूर्ण करता आले. नागरिकांचा उत्स्फूर्त प्रतिसाद नोंदणीला मिळाला.

 

मुकुंद - आ. रविंद्र चव्हाण यांनी प्राथमिक सदस्यनोंदणीसाठी नागरिकांना आवाहन केले. त्या आवाहनाला नागरिकांकडून चांगला प्रतिसाद मिळाला. महाराष्ट्रात 1 कोटी, 45 हजार प्राथमिक सदस्यनोंदणी करण्याचे उद्दिष्ट होते. आता तो आकडा भाजपने पार केला आहे. लोकांच्या चेहर्‍यावर भाजपचे सदस्य झाल्याचा एक आनंद पाहायला मिळाला, ते समाधानकारक होते.

 

 

मुकुंद - ‘कोविड’ काळात नगरसेवकांचा कार्यकाल संपला. ‘कोविड’मुळे पुन्हा निवडणुका झाल्या नाहीत. या काळात प्रभागातील कामे कशी करायची, हा मोठा प्रश्न होता. पण, आ. रविंद्र चव्हाण यांनी निधी उपलब्ध करून दिला. त्या सहकार्यातून काम उभे केले. प्रभागातील अनेक प्रकारच्या समस्या त्या निधीतून सोडविल्या. डोंबिवलीतून जास्तीत जास्त भाजपचे नगरसेवक निवडून येतील आणि कल्याण-डोंबिवली महापालिकेत भाजपचा महापौर बसविण्याचे स्वप्न आहे, ते पूर्ण होईल.

 

 

समीर - ‘शत प्रतिशत भाजप’ हे भाजपच्या शीर्षस्थ नेतृत्वाचे स्वप्न आहे. संसदेपासून ते पंचायत समितीपर्यंत भाजपचे प्रस्थ असावे. कल्याण-डोंबिवली महापालिकेत सत्ता मिळविणे, हे आमचे उद्दिष्ट आहेच. प्रत्येक पक्षाचा निवडणुकीसाठी ‘अ‍ॅक्शन प्लॅन’ तयार असतो. पण, तो सर्वांसमोर उघड केला जात नाही. योग्य वेळ आल्यावर भाजपचे पदाधिकारी आणि कार्यकर्ते त्याची अंमलबजावणी करतात. आमच्या सगळ्यांचे ध्येय भाजपचे महापौर बसविणे, हेच असणार आहे.

 

 

मुकुंद - सरकारी योजना तळागाळातील माणसांपर्यंत पोहोचल्या पाहिजेत आणि ते पोहोचविण्याचे काम भाजपचे कार्यकर्ते करीत आहेत. या योजना जास्तीत जास्त माजी नगरसेवकांनी, पदाधिकार्‍यांनी प्रभागात राबवाव्या, असे आ. रविंद्र चव्हाण यांनी आवाहन केले होते. ‘अटल योजना’, ‘लाडकी बहीण योजना’, ‘सुकन्या योजना’ अशा अनेक योजना नागरिकांपर्यंत पोहोचविण्याचे काम केले आहे. दि. 9 एप्रिल, दि. 11 एप्रिल आणि दि. 12 एप्रिल रोजी एका शिबिराचे आयोजन केले आहे. या शिबिरात सर्व योजनांचा समावेश आहे. जेणेकरून या योजनांचा नागरिकांना लाभ घेणे शक्य होईल.

 

 

समीर - ‘अंत्योदय’ ही भाजपची संकल्पना आहे. समाजातील शेवटच्या व्यक्तीपर्यंत या योजना पोहोचल्या पाहिजेत, त्यादृष्टीने आम्ही काम करीत आहोत. ‘आयुष्मान भारत कार्ड योजना’, ‘रेशनकार्ड दुरुस्ती’ अशी वेगवेगळ्या प्रकारची शिबिरे आयोजित करतो. आ. रविंद्र चव्हाण यांच्या मार्गदर्शनाखाली शिबीर भरवितो. डोंबिवली पश्चिमेत ‘कडोंमपा’च्या मदतीने ‘कोविड’काळात लसीकरण करण्याचे शिबीर भरविले होते. हयातीचा दाखला मिळविणे हा एक मोठा विषय आहे. हा दाखला प्रत्येक निवृत्तिवेतनधारकाला द्यावा लागतो. त्यांना उन्हात फिरावे लागते किंवा बँकेत रांगेत उभे राहावे लागते. या योजना राबविल्यामुळे नागरिकांचा त्रास कमी होतो. त्यामुळे पदाधिकार्‍यांनाही समाधान मिळते.

 

 

समीर - आ. रविंद्र चव्हाण यांच्या ‘होमपीच’वर काम करताना जबाबदारी निश्चितच वाढली आहे. भाजप हा एक परिवार आहे. डोंबिवलीतील भाजपचे चव्हाण साहेब हे कुटुंबप्रमुख आहेत. कुटुंबप्रमुखासाठी आपण काम करतो, ही जाणीव कार्यकर्त्यांना असते. त्यामुळे सर्वजण नेटाने काम करतात.

 

 

मुकुंद - सरकारच्या योजना आहेत त्या तळागाळापर्यंत पोहोचविण्याचे काम कार्यकर्त्यांनी केले पाहिजे. या योजनेचा फायदा नागरिकांना व्हावा, यासाठी शिबीर लावले पाहिजे. नागरिकांपर्यंत योजना पोहोचविणे आणि त्यांना त्यांचा फायदा करून देणे, हेच मोठे काम आहे.