खुर्चीसाठी काँग्रेसचे महापाप; दिल्लीची सरकारी मालमत्ता वक्फच्या घशात

मुंबई (विशेष प्रतिनिधी) : (Congress Government Waqf Board) वक्फ सुधारणा विधेयकावर लोकसभेत १२ तासांहून अधिक काळ चर्चा झाल्यानंतर अखेर ते मध्यरात्री लोकसभेत पास झालेच. यावेळी या विधेयकाच्या बाजूने २८८ मते पडली. तर, विरोधात २३२ मते पडली आहेत. विरोध करणाऱ्यांमधे अर्थातच AIMIM, उबाठा, समाजवादी पार्टी, तृणमुल काँग्रेस, आम आदमी पार्टी, असे एकूण दहा पक्ष आहेत. आणि हो... काँग्रेसला विसरून कसे चालेल...आपल्या तुष्टीकरणाच्या धोरणासाठी आणि मुस्लिम व्होटबँक बळकावण्यासाठी काँग्रेसने १९९५ मध्येच वक्फ कायद्यात सुधारणा करून वक्फ बोर्डांना अमर्याद अधिकार देणारे हे काँग्रेस सरकारच होते. डॉ. मनमोहन सिंग यांच्या नेतृत्वाखालील यूपीए सरकारने २०१४ च्या लोकसभा निवडणुकीपूर्वी दिल्ली भू विकास विभाग तसेच दिल्ली विकास प्राधिकरणाच्या १२३ सरकारी मालमत्ता वक्फ बोर्डाकडे सुपूर्द केल्या होत्या.