धनंजय मुंडेंना अर्धांगवायू? बाबासाहेब पाटलांच्या विधानानंतर काय म्हणाले मुंडे?

 

 

"धनंजय मुंडे यांची तब्येत बरी नाही. त्यांना अर्धांगवायूचा झटका आला आहे. त्यांना बोलता येत नाही. डोळे वाकडे झालेत," असे वक्तव्य सहकारमंत्री बाबासाहेब पाटील यांनी केले होते. यावर धनंजय मुंडे आपल्या पोस्टमध्ये म्हणाले की, "आमचे सहकारी, सहकारमंत्री बाबासाहेब पाटील यांनी केलेल्या एका विधानावरून मला अर्धांगवायू झाल्याचे वृत्त काही वाहिन्यांवर प्रसारित केले जात आहे. मुळात मला बेल्स पाल्सी हा आजार दीड महिन्यांपूर्वी झालेला असून त्याचा परिणाम चेहऱ्यावर झाल्याने अजूनही मला बोलायला त्रास होतो."

 

हे वाचलंत का? -  राज ठाकरेंसोबत यूती करणार पण...; उद्धव ठाकरेंनी ठेवली अट

 

"बाबासाहेब पाटील यांची आणि माझी दोन दिवसांपूर्वी एका बैठकीत भेट झाली होती. त्यांनी माझ्याबद्दल काळजी व्यक्त केली त्याबद्दल आभार. मात्र, मला झालेला आजार हा अर्धांगवायू नसून बेल्स पाल्सी आहे. तसेच त्याचा आणि इतर काही वैद्यकीय बाबींचा त्रास अजूनही होतो असून बोलायला त्रास आहे. मात्र नव्याने मला कोणताही आजार झालेला नाही," असे धनंजय मुंडेंनी स्पष्ट केले.