कलशस्य मुखे विष्णुः कंठे रुद्रः समाश्रितः।मूले त्वस्य स्थतो ब्रह्मा मध्ये मातृगणाः स्मृताः॥

 

 

नवी दिल्ली: ( culmination on the Shri Ram temple in Ayodhya ) अयोध्येतील भव्य श्रीराम मंदिराच्या उभारणीतील आणखी एक ऐतिहासिक टप्पा सोमवारी पार पडला. मंदिराच्या गर्भगृहाच्या मुख्य शिखरावर योग्य विधींसह कळस पूजा करून कळसाची स्थापना करण्यात आली.

 

याप्रसंगी मंदिर परिसरात वैदिक जप आणि भक्तीगीतांनी वातावरण दुमदुमले. श्रीरामजन्मभूमी तीर्थक्षेत्र ट्रस्टचे सदस्य, संत आणि स्थानिक भाविकांच्या उपस्थितीत ही पूजा करण्यात आली. ट्रस्टतर्फे देण्यात आलेल्या माहितीनुसार, सोमवारी बैसाखी आणि आंबेडकर जयंतीच्या शुभ मुहूर्तावर श्रीरामजन्मभूमी मंदिराच्या गर्भगृहात हे शिखर स्थापित करण्यात आले. श्रीरामजन्मभूमी तीर्थक्षेत्राचे सरचिटणीस चंपत राय यांनी दिलेल्या माहितीनुसार, गर्भगृहात सकाळी ९:१५ वाजता कळस पूजा विधी सुरू झाला आणि सकाळी १०:३० वाजता विधीनुसार कळस स्थापित करण्यात आला.

 

मंदिर बांधकामाचा दुसरा टप्पा आता वेगाने सुरू आहे. ट्रस्टच्या मते, गर्भगृहाचे शिखर पूर्ण झाल्यानंतर, पुढील टप्प्यात शिखरावर ध्वज स्थापित केला जाईल. मंदिराचे काम वेळेवर पूर्ण व्हावे यासाठी तज्ञ आणि अभियंत्यांचे पथक अहोरात्र काम करत आहे.