"...त्याची भूमिका फार महत्त्वाची नव्हती"; २६/११ हल्लेप्रकरणी तहव्वूर राणाला काँग्रेसकडून क्लीनचीट देण्याचा प्रयत्न?

12-Apr-2025

Total Views | 34

नवी दिल्ली : (Udit Raj Reaction on Tahawwur Rana) २६/११ च्या मुंबई हल्ल्यातील प्रमुख आरोपी तहव्वूर राणा याच्या प्रत्यार्पणावर काँग्रेस नेते उदित राज यांनी शंका व्यक्त केली आहे, त्याला 'खेळ' असे संबोधले आहे आणि त्याच्या हल्ल्यातील सहभागाविषयी प्रश्नचिन्ह उपस्थित करणारे विधान केले आहे.

यूपीए सरकारने डेव्हिड हेडलीला ठरवलं होतं मुख्य सूत्रधार - उदित राज

मुंबई २६/११ हल्ल्याचा मास्टरमाइंड तहव्वूर राणाला अमेरिकेतून भारतात आणण्यात आले आहे, परंतु काँग्रेस नेते उदित राज यांनी या सगळ्याला 'खेळ' म्हटले आहे. उदित राज म्हणाले की, "२०११ मध्ये यूपीए सरकारने तपासाची फाईल अमेरिकेला सोपवली होती, तेव्हा मनमोहन सिंग यांचे सरकार होते, त्या फाईलमध्ये मुख्य आरोपी म्हणून हेडलीचे नाव होते. त्यांनी हेडलीला आणले नाही? राणा हा कट रचणारा होता, पण त्याची भूमिका तितकी मोठी नव्हती."

Delhi: On the extradition of 26/11 accused Tahawwur Rana, Congress leader Udit Raj says, "This seems like a game to me. Back in 2011, when the UPA government was in power, the entire investigation file was handed over to the U.S., and David Headley was identified as the main… pic.twitter.com/fi75U4Oz6w
— IANS (@ians_india) April 11, 2025

तहव्वुर राणा सध्या एनआयएच्या ताब्यात आहे. भारतात आणल्यानंतर त्याला न्यायालयात हजर करण्यात आले, त्यानंतर न्यायालयाने त्याला १८ दिवसांसाठी एनआयए कोठडीत पाठवले. दरम्यान, दिल्लीतील एनआयए मुख्यालयाबाहेर सुरक्षा वाढवण्यात आली आहे. २००८ च्या मुंबई दहशतवादी हल्ल्यातील त्याच्या सहभागासंदर्भात एजन्सी चौकशी वाढवण्याची अपेक्षा आहे.

Udit Raj Tahawwur Rana Congress UPA Government

अनिशा डुंबरे

https://www.mahamtb.com/authors/Anisha_Dumbre.html

मुंबईतील पाटकर-वर्दे महाविद्यालयातून अर्थशास्त्र विषयातत पदवी. सध्या दै. मुंबई तरुण भारत मध्ये वेब उपसंपादक पदावर कार्यरत. लिखाण, वाचन आणि निवेदनाची विशेष आवड. मराठी साहित्य, इतिहास, राजकारण, आणि मनोरंजन विषयांत रस. महाविद्यालयीन काळात वक्तृत्व, कथाकथन, काव्यवाचन स्पर्धांमध्ये सहभाग आणि पारितोषिके.\