संसदेत एकू येणार 'छावा'ची गर्जना; 'या' तारखेला होणार ‘छावा’ चित्रपटाचे खास स्क्रिनिंग!

25-Mar-2025

Total Views | 12

the roar of chhava will be heard in parliament a special screening of the film chhava will be held on this date

मुंबई : लक्ष्मण उतेकर दिग्दर्शित आणि विकी कौशल अभिनीत छावा या चित्रपटाने बॉक्स ऑफिसवर विक्रमी कमाई केली असून, प्रदर्शित झाल्यानंतर महिनाभरानंतरही त्याचा गडगडाट सुरू आहे. छत्रपती संभाजी महाराजांच्या जीवनावर आधारित या भव्य ऐतिहासिक चित्रपटाने ७०० कोटींहून अधिक गल्ला जमवला आहे. प्रेक्षक आणि समीक्षकांकडून मिळालेल्या उत्स्फूर्त प्रतिसादामुळे आता छावा च्या गौरवासाठी संसदेत खास स्क्रिनिंग आयोजित करण्यात आले आहे.

संसदेतील छावा चे स्क्रिनिंग कधी आणि कुठे?

२७ मार्च रोजी संसदेच्या लायब्ररी बिल्डिंगमधील बालयोगी ऑडिटोरियममध्ये या चित्रपटाचे खास स्क्रिनिंग होणार आहे. या कार्यक्रमाला पंतप्रधान नरेंद्र मोदी, केंद्रीय मंत्री आणि अनेक खासदार उपस्थित राहण्याची शक्यता आहे. विशेष म्हणजे, चित्रपटाची संपूर्ण टीमही या स्क्रिनिंगसाठी उपस्थित राहणार आहे. त्यामुळे विकी कौशल, रश्मिका मंदाना आणि दिग्दर्शक लक्ष्मण उतेकर यांचीही हजेरी लागण्याची शक्यता आहे.

पंतप्रधान नरेंद्र मोदींचे छावा वर कौतुक:

पंतप्रधान नरेंद्र मोदी यांनी छावा चित्रपटाचे आधीच कौतुक केले आहे. ९८व्या अखिल भारतीय साहित्य संमेलनात आपल्या भाषणात त्यांनी या चित्रपटाच्या यशाचा उल्लेख केला होता. त्यानंतर विकी कौशलने सोशल मीडियावर पोस्ट करत पंतप्रधानांचे आभार मानले होते.

छावा चित्रपटातील प्रमुख भूमिका

या चित्रपटात विकी कौशलने छत्रपती संभाजी महाराजांची भूमिका ताकदीने साकारली आहे, तर महाराणी येसूबाईंच्या भूमिकेत रश्मिका मंदाना आहे. औरंगजेबाची भूमिका अक्षय खन्नाने साकारली असून, या चित्रपटाची निर्मिती मॅडॉक फिल्म्सने केली आहे.

विकी कौशल आणि रश्मिका मंदानाचे पुढील प्रोजेक्ट्स

छावा नंतर विकी कौशल संजय लीला भन्साळी यांच्या लव्ह अँड वॉर या चित्रपटात रणबीर कपूर आणि आलिया भट्टसोबत झळकणार आहे. तर रश्मिका मंदाना सिकंदर चित्रपटात सलमान खानसोबत दिसणार आहे.

संसदेत छावा चे स्क्रिनिंग होणे हे या चित्रपटाच्या ऐतिहासिक यशाचे प्रतीक मानले जात आहे. आता प्रेक्षकांना या चित्रपटाच्या ओटीटी रिलीजची उत्सुकता लागून राहिली आहे.

Chaava Vickykaushal Rashmikamanddana Boxofficecollection Trendingnews Narendramodi Entertainmentnews

अनिरुद्ध गांधी

https://www.mahamtb.com/authors/Aniruddha_Gandhi.html

ठाण्यातल्या के. जी. जोशी महाविद्यालयातून पत्रकारतेची पदवी प्राप्त. मुंबई विद्यापीठातून मराठी साहित्यात एम.ए पदवी प्राप्त. गेले ९ वर्ष मालिका, चित्रपट, नाटक यांमधून काम केले. लघुपट, नाटक लिखाणाची आवड. अभिनय क्षेत्रात राष्ट्रीय पुरस्कार प्राप्त.