मध्यप्रदेशमध्ये दारूबंदी! 'या' धार्मीक स्थळांवर मद्यविक्रीवर बंदी

भोपाळ : मुख्यमंत्री मोहन यादव यांच्या मंत्रिमंडळाने रोजी मध्य प्रदेशच्या एकूण १७ धार्मीक स्थळांवर मद्यविक्री करण्यास बंदी घातली आहे. माध्यमांशी संवाद साधत या संदर्भात माहिती देताना यादव म्हणाले की नवीन उत्पादन शुल्क धोरणाची अंमलबजावणी थोड्याच दिवसांमध्ये केली जाईल. यानंतर एकूण १७ धार्मीक स्थाळांवर मद्यविक्री करण्यावर बंदी घातली जाईल. गुरूवार दिनांक २३ जानेवारी रोजी झालेल्या मंत्रिमंडळाच्या बैठकीत हा निर्णय घेण्यात आला.

धार्मीक स्थळांचे पावित्र्य राखले जावे यासाठी सदर परिसरात मद्य विक्रीवर बंदी आणली जावी असा प्रस्ताव काही संतांनी मध्यप्रदेशचे मुख्यमंत्री मोहन यादव यांच्या समोर मांडला होता. मुख्यमंत्र्यांना दिलेल्या या प्रस्तावावर अंमलबजावणी झाल्याचे बघायला मिळतं आहे. माध्यमांना मिळालेल्या माहितीनुसार - दतिया, पन्ना, मंडला, मुलताई, मंदसौर, मैहर, ओंकारेश्वर, महेश्वर, मंडलेश्वर, ओरछा, चित्रकूट, अमरकंटक, साल्कनपूर, बर्मन कला, लिंगा, कुंडलपूर, बंदकपूर आणि बर्मनखुर्द या ठिकाणी मद्य विक्रीवर बंदी आणण्यात आली आहे. त्याच बरोबर इथली मद्यविक्रीची दुकानं दुसरीकडे स्थलांतरित होणार नसून, पूर्णपणे बंद केली जाणार असल्यची माहिती मुख्यमंत्र्यांनी दिली. त्याच बरोबर यादव म्हणाले की मद्यविक्रीवर बंदी घालणं ही केवळ पहिली पायरी आहे. संपूर्ण राज्यामध्ये मद्यपान बंद झाले पाहिजे असं सुद्धा ते म्हणाले.

माध्यमांशी संवाद साधताना मुख्यमंत्री मोहन यादव म्हणाले की "धार्मीक स्थळांवर मद्यविक्रीवर बंदी आणण्याचा मोठा निर्णय आम्ही घेत आहोत. दारूच्या व्यसनामुळे कुटूंबातील सदस्यांना अनेक यातना भोगाव्या लागतात. या देशातील युवा, या देशाचं भविष्य आहेत. त्यांचं आयुष्य दारूच्या व्यसनापायी खराब होऊ नये हीच आमची इच्छा आहे. पंतप्रधान नरेंद्र मोदी यांच्या नेतृत्वात आम्ही सुशासन आणण्याचा प्रयत्न करीत आहोत. या देशातील स्त्रीया, शेतकरी, लहान मुलं, या सगळ्यांनी चांगलं आयुष्य जगावं हीच आमची इच्छा आहे. भगवान श्रीकृष्ण आणि प्रभूश्रीराम यांनी मध्यप्रदेशमध्ये ज्या ज्या ठिकाणी पाऊल ठेवलं आहे, त्या त्या ठिकाणी मद्यविक्री केली जाणार आहे."