विकास कसा साधावा हे उत्तर प्रदेशकडून शिका – पंतप्रधान नरेंद्र मोदी

नवी दिल्ली : राज्याचा आर्थिक विकासा कसा साधावा, हे देशातील अन्य राज्यांनी उत्तर प्रदेश आणि मुख्यमंत्री योगी आदित्यनाथ यांच्याकडून शिकावे; असे गौरवोद्गार पंतप्रधान नरेंद्र मोदी यांनी सोमवारी काढले.पंतप्रधान नरेंद्र मोदी यांनी लखनऊमध्ये विकास भारत विकास उत्तर प्रदेश कार्यक्रमाला संबोधित केले. त्यांनी फेब्रुवारी २०२३ मध्ये आयोजित युपी ग्लोबल इन्व्हेस्टर्स समिट २०२३ च्या चौथ्या ग्राउंडब्रेकिंग समारंभात संपूर्ण उत्तर प्रदेशमध्ये १० लाख कोटींहून अधिक किमतीचे १४ हजार प्रकल्पांना सुरू केले. हे प्रकल्प उत्पादन, अक्षय ऊर्जा, आयटी आणि आयटीईएस, अन्न प्रक्रिया, गृहनिर्माण, बांधकाम, आदरातिथ्य, मनोरंजन शिक्षण या क्षेत्रातील आहेत.

पंतप्रधान नरेंद्र मोदी यांनी उत्तर प्रदेशचे मुख्यमंत्री योगी आदित्यनाथ यांच्या कारभाराचे कौतुक केले. ते म्हणाले, उत्तर प्रदेशची ताकद आणि डबल इंजिन सरकारच्या मेहनतीवर पूर्ण विश्वास आहे, त्यासाठी मुख्यमंत्री योगी आदित्यनाथ यांचे विशेष अभिनंदन. उत्तर प्रदेशने ट्रिलियन डॉलरची अर्थव्यवस्था बनण्याचा निर्णय घेतला आहे, याचा प्रत्येक भारतीयाला अभिमान आहे. देशातील सर्व राजकीय पक्षांना माझा सल्ला आहे की, विकास कसा करावा हे उत्तर प्रदेशकडून शिकणयासारखे आहे. देशातील सर्व राज्यांनीही ट्रिलियन डॉलरची अर्थव्यवस्था बनवू असा संकल्प घेऊन मैदानात उतरावे. ज्यावेळी प्रत्येक राज्य उत्तर प्रदेशप्रमाणे मोठी स्वप्ने आणि संकल्प घेऊन पुढे जाईल, तेव्हाच देशाची प्रगती होईल असेही पंतप्रधान नरेंद्र मोदी म्हणाले.

उत्तर प्रदेशातील दुहेरी इंजिन सरकारच्या सात वर्षांचा उल्लेख करताना पंतप्रधान म्हणाले की, या काळात 'रेड टेप कल्चर'ची जागा 'रेड कार्पेट कल्चर'ने घेतली आहे. ते म्हणाले की, गेल्या 7 वर्षांत यूपीमध्ये गुन्हे कमी झाले आहेत आणि व्यावसायिक संस्कृती फोफावत आहे. पंतप्रधान म्हणाले, "गेल्या 7 वर्षांत, उत्तर प्रदेशमध्ये व्यवसाय, विकास आणि विश्वासाचे वातावरण विकसित झाले आहे." ते म्हणाले की, खरी इच्छा असेल तर दुहेरी इंजिन सरकारने बदलाची अपरिहार्यता सिद्ध केली आहे. या काळात राज्यातून होणारी निर्यात दुपटीने वाढल्याचे त्यांनी नमूद केले. राज्याच्या वीज निर्मिती आणि पारेषणातील प्रगतीचेही त्यांनी कौतुक केले. “आज, उत्तर हे देशातील सर्वाधिक एक्सप्रेसवे आणि आंतरराष्ट्रीय विमानतळ असलेले राज्य आहे. हे असे राज्य आहे जेथे देशातील पहिली जलद रेल्वे धावत आहे”, राज्यात ईस्टर्न आणि वेस्टर्न पेरिफेरल एक्सप्रेसवेच्या मोठ्या भागाच्या उपस्थितीकडे लक्ष वेधले. राज्यातील नदी जलमार्गाच्या वापराची कबुली देत पंतप्रधान मोदींनी राज्यातील कनेक्टिव्हिटी आणि प्रवास सुलभतेची प्रशंसा केली.