जळगाव: भारतीय जनता पार्टीचे प्रदेशाध्यक्ष श्री चंद्रशेखर बावनकुळे यांच्या राज्यव्यापी ‘महाविजय 2024’ लोकसभा प्रवासात गुरुवार दि. 30 नोव्हेबर रोजी रावेर लोकसभा क्षेत्राचा दौरा करणार आहेत. या प्रवासात ते लोकसभा क्षेत्रातील सर्व सहा विधानसभा मतदारसंघातील सुपर वॉरिअर्स व प्रमुख पदाधिकाऱ्यांशी संवाद साधतील व ‘संपर्क से समर्थन’ अभियानात भाग घेत सर्वसामान्य जनतेशी संवाद साधतील.

 

रावेर लोकसभा मतदारसंघाच्या प्रवासात प्रदेशाध्यक्ष श्री बावनकुळे यांच्यासोबत लोकसभा क्षेत्रातील सर्व प्रमुख लोकप्रतिनिधी व पदाधिकारी सहभागी होणार आहेत.सकाळी 10.00 वा. मलकापूर येथील मराठा मंगल कार्यालयात जामनेर, मुक्ताईनगर आणि मलकापूर विधानसभा क्षेत्रातील सुपर वॉरिअर्स व प्रमुख पदाधिकाऱ्यांशी संवाद साधतील. सकाळी 11.45 वा. मलकापूर तहसील चौक ते निमवाडी चौकपर्यंत ‘संपर्क से समर्थन अभियाना’त सहभागी होत जनतेशी संवाद साधतील.

  

दुपारी 02.30 वा. भुसावळ येथील सिंधी समाज मंगल कार्यालयात रावेर, चोपडा व भुसावळ विधानसभा क्षेत्रातील सुपर वॉरियर्स तथा पदाधिकाऱ्यांशी संवाद साधतील. सायंकाळी 04.00 वा. सिंधी कॉलनी परिसरात संपर्क से समर्थन अभियानातर्गत घर चलो अभियानात सहभागी होतील. यासोबतच ते काही संघटनात्मक कार्यक्रमात सहभागी होणार आहेत.

 

प्रदेश अध्यक्षांच्या प्रवासाचे नियोजन व तयारी ग्रामविकास मंत्री गिरीश महाजन, प्रदेश उपाध्यक्ष तथा लोकसभा प्रवास संयोजक संजय भेगडे, भाजपाचे प्रदेश सरचिटणीस विजय चौधरी, खासदार रक्षा खडसे, आमदार संजय सावकारे, रावेर लोकसभा समन्वयक शालिनी बुंधे, लोकसभा निवडणूक प्रमुख नंदू महाजन, बुलढाणा जिल्हाध्यक्ष सचिन देशमुख, जळगाव पूर्व (रावेर) जिल्हाध्यक्ष अमोल जावळे, मोहन शर्मा, मिलिंद धवले, अजय नागराणी, संदीप सुरवाडे यांच्यासह सर्व स्थानिक लोकप्रतिनिधी व सर्व प्रमुख पदाधिकारी व जिल्हा कार्यकारिणीतील सर्व प्रमुख कार्यकर्ते करीत आहेत.