रुग्णशय्येवर धर्मांतरण! सांगलीच्या रुग्णालयात धक्कादायक प्रकार

आटपाडी गावात अंधश्रद्धेला खतपाणी घालून जबरदस्ती धर्मांतरण करण्याचे प्रकार घडत आहेत. समाजविघातक घटकांमार्फत जाणीवपूर्वक हे प्रकार सुरू असल्याचे पोलीसांत केलेल्या तक्रारीत म्हटले आहे. दरम्यान, वरद रुग्णालयातील या प्रकाराचे व्हीडिओ तक्रारदार धनवडे यांच्याकडे सोशल मीडियाच्या माध्यमातून आले. त्यानंतर त्यांनी ही तक्रार दाखल केली आहे. तक्रारीत म्हटल्यानुसार, 'धर्मांतरणाचे संबंधित छायाचित्रण हे अतिदक्षता विभागातील असून रुग्णाच्या डोक्यावर हात ठेवून भोंदुगिरी सुरू असल्याचा प्रकार व्हायरल व्हीडिओत स्पष्टपणे दिसत आहे. संबंधित प्रकाराला रुग्णालयातील वरिष्ठ वैद्यकीय अधिकारी रावण यांनी विरोध केला. मात्र, गेळे दांम्पत्याने त्यांनाही विरोध केला.