मोठी बातमी! वाल्मिक कराडच संतोष देशमुख हत्येचा मास्टरमाईंड

गुरुवार, २७ फेब्रुवारी रोजी सीआयडीने १८०० पानांचे आरोपपत्र सादर केले. सीआयडीने दाखल केलेल्या आरोपपत्रातून वाल्मिक कराड हाच संतोष देशमुख यांच्या हत्येचा मास्टरमाईंड असल्याचे नमूद केले आहे. तसेच इतर आरोपींबद्दलची माहितीदेखील या आरोपपत्रात मांडण्यात आली आहे. संतोष देशमुख यांची हत्या कशी करण्यात आली, तसेच त्यांच्या हत्येच्या वेळी काढण्यात आलेला व्हिडीओदेखील सीआयडीने सादर केला आहे. संतोष देशमुख खंडणी देण्यास विरोध करत असल्याने त्यांची हत्या केल्याचे आरोपपत्रातून स्पष्ट झाले आहे.

 

 

दरम्यान, या आरोपपत्रात रणजीत मुळे आणि सिद्धार्थ सोनावणे या दोघांची नावे पुराव्याअभावी वगळण्यात आली आहेत. मात्र, वाल्मिक कराडच्या सांगण्यावरूनच सर्वांकडून संतोष देशमुख यांची हत्या करण्यात आल्याची माहिती पुढे आली आहे. या प्रकरणातील एक आरोपी कृष्णा आंधळे हा अजूनही फरार आहे.