पंतप्रधान नरेंद्र मोदींचे 'एआय'वर भाष्य

अॅक्शन समिटमध्ये राष्ट्राध्यक्ष इमॅन्युएल मॅक्रॉन सामील

12-Feb-2025

Total Views | 27

नवी दिल्ली : पंतप्रधान नरेंद्र मोदी (Narendra Modi) हे फ्रान्सच्या दौऱ्यावर आहेत. त्यांनी ११ फेब्रुवारी रोजी पॅरिसमध्ये सुरू असलेल्या एआय अॅक्शन समिटमध्ये त्याचे मित्र राष्ट्राध्यक्ष इमॅन्युएल मॅक्रॉन यांच्यासोबत सामील होते. पंतप्रधानांनी या परिषदेचे सह-अध्यक्षपदही भूषवले. या परिषदेत १०० देशांचे राष्ट्रप्रमुख उपस्थित होते. यावेळी पंतप्रधान नरेंद्र मोदी यांनी एआयचे महत्त्व पटवून दिले आहे.

एआय परिषदेला संबोधित करत असताना पंतप्रधान म्हणाले की, एआयशी संबंधित एक मोठी भीती निर्माण झाली आहे. एआयमुळे नोकऱ्यांवर गदा येण्याची भीती युवकांमध्ये आहे. परंतु यामुळे एआय तंत्रज्ञान हाताळण्यासाठी युवकांची आवश्यकता असणार असल्याचे नरेंद्र मोदी म्हणाले. तर याआधीही नवनवीन तंत्रज्ञान आले होते. तेव्हाही नोकऱ्या जाणार अससल्याचं बोललं जात होतं. मात्र तसं झालं नाही.

ते म्हणाले की, एआयचा वाढता प्रभाव लक्षात घेता, भारतात अनेक स्टार्ट-अप्स आणि तंत्रज्ञान विकसित करण्यावर लक्ष केंद्रीत करत आहे. अनेक भारतीय एआय स्टार्ट-अप्स रोबोटिक्स, आरोग्यासेवा, भाषांतर अशा क्षेत्रात काम करत आहेत. तसेच नंतर ते म्हणाले की, शाश्वत विकासाचे ध्येय साध्य करण्यासाठी एआय उपयुक्त ठरले आहे.

सुरक्षेच्या दृष्टिकोनातून एआयचे अनेक धोके, एआय नियंत्रण, एआय सेवा, फायदे आणि जगातील सर्व देशांनी एआयचा समान वापर याबाबत पंतप्रधान म्हणाले की, यंत्र हे मानवाचे मालक असू शकत नाहीत, अशा स्थितीमध्ये प्रत्येकाला आपली जबाबदारी समजून घ्यावी लागणार आहे.

पुढे पंतप्रधान म्हणाले की, भारतात एआयचा अवलंब करण्यासाठी सार्वजनिक हितासाठी एआय अॅप्लिकेशन्स तयार करण्यासाठी आणि डेटा गोपनिय ठेवण्यासाठी काम करत आहे. भारतात एआय या तंत्रज्ञानावर काम करण्यासाठी कुश कर्मचारी वर्गही असल्याचे म्हणाले.