‘मॅडॉक फिल्म्स’चा मेगा धमाका

 

प्राप्त माहितीनुसार, ‘थामा’ या चित्रपटात आयुष्यमान खुराना, रश्मिका मंदाना, नवाजुद्दीन सिद्दीकी, परेश रावल, अपारशक्ती खुराना यांच्या प्रमुख भूमिका असतील, तर ‘स्त्री 3’मध्ये राजकुमार राव, श्रद्धा कपूर, अपारशक्ती खुराना, अभिषेक बॅनर्जी, पंकज त्रिपाठी हे कलाकार तर असतीलच. पण, चित्रपटात एका प्रसंगात अक्षय कुमारची झलक दाखवल्यामुळे ‘स्त्री’ चित्रपटाच्या तिसर्‍या भागात अक्षय कुमारही झळकणार का, अशी शंका व्यक्त केली जात आहे, तर ‘मुंज्या 2’मध्ये अभय वर्मा, शर्वरी वाघ हे कलाकार तर असतीलच, याशिवाय अजून कोणते कलाकार झळकणार याकडे सगळ्यांचे लक्ष लागले आहे. ‘भेडिया 2’मध्ये वरुण धवन तर असेलच. पण, त्याच्याशिवाय अजून कोणते कलाकार असतील ते लवकरच कळणार आहे.

 

याशिवाय ‘मॅडॉक फिल्म्स’ ऐतिहासिक चित्रपट ‘छावा’ देखील भेटीला घेऊन येणार आहेत. ज्यात छत्रपती संभाजी महाराजांचा गौरवशाली इतिहास आणि पराक्रम दाखवला जाणार आहे. या चित्रपटाचे दिग्दर्शन लक्ष्मण उत्तेकर यांनी केले असून, अभिनेता विकी कौशल चित्रपटात छत्रपती संभाजी महाराजांच्या भूमिकेत दिसणार आहे. हा चित्रपट फेब्रुवारी 2025 साली प्रदर्शित होणार आहे. त्यामुळे प्रेक्षकांच्या पुढच्या चार वर्षांच्या मनोरंजनाची तजवीज ‘मॅडॉक फिल्म्स’ने केली असून, भारतीय चित्रपटसृष्टीतील ‘हॉरर-कॉमेडी युनिव्हर्स’ एक नवा इतिहास रचण्यासाठी सज्ज झाले आहे. दरम्यान, या भव्य घोषणेवर प्रतिक्रिया देताना, ‘मॅडॉक फिल्म्स’चे दिनेश विजान म्हणाले की, “मॅडॉकचा हेतू नेहमीच प्रेक्षकांचे मनोरंजन करण्याचा आहे. आम्ही प्रेक्षकांच्या भावनांना भिडणारी पात्रे निर्माण केली आहेत, जी भारताच्या समृद्ध संस्कृती आणि वारशात रुजली आहेत. हा दृष्टिकोन आमच्या कथा केवळ भावनिकच नव्हे, तर अर्थपूर्णदेखील बनवतो. आम्हाला असे एक ‘सिनेमॅटिक युनिव्हर्स’ तयार करायचे आहे. ज्यामुळे अविस्मरणीय पात्रे आणि त्यांचे किस्से नव्या उंचीवर पोहोचतील.”