वाल्मिक कराडला १४ दिवसांची न्यायालयीन कोठडी! जामीनाचा मार्ग मोकळा?

22-Jan-2025

Total Views | 57

बीड : मस्साजोग येथील सरपंच संतोष देशमुख हत्या प्रकरणात एसआयटीच्या ताब्यात असलेला आरोपी वाल्मिक कराड याला आता १४ दिवसांची न्यायालयीन कोठडी सुनावण्यात आली आहे.

बुधवार, २२ जानेवारी रोजी बीड न्यायालयात याप्रकरणाची सुनावणी पार पडली. मकोका अंतर्गत गुन्हा दाखल झाल्यानंतर वाल्मिक कराडला ७ दिवसांची पोलिस कोठडी सुनावण्यात आली होती. एसआयटी कोठडी संपल्यानंतर वाल्मिक कराडला व्हिडीओ कॉन्फरन्सिंगद्वारे बीड न्यायालयासमोर हजर करण्यात आले. दरम्यान, त्याला १४ दिवसांची न्यायालयीन कोठडी सुनावण्यात आली आहे.

हे वाचलंत का? - अकोला जिल्हात बांगलादेशी, रोहिंग्याचे थैमान! तब्बल १५ हजार ८४५ लोकांना जन्म दाखल्यांचे वाटप

वाल्मिक कराड न्यायालयीन कोठडीत असल्याने त्याच्याकडून जामीनासाठी अर्ज केला जाऊ शकतो. परंतू, त्याच्यावर मकोका अंतर्गत गुन्हा दाखल असल्याने जामीन मिळण्यात अडचण येऊ शकते.

कृष्णा आंधळे फरार घोषित!

सरपंच संतोष देशमुख हत्या प्रकरणातील आणखी एक आरोपी कृष्णा आंधळे अद्याप सापडलेला नाही. गेल्या दीड महिन्यापासून एसआयटीचे पथक त्याचा शोध घेत आहेत. परंतू, तो अद्याप सापडला नसल्याने बीड पोलिसांनी त्याला फरार घोषित केले आहे.