स्वरा भास्करचा पती मविआतर्फे निवडणूक लढवणार?

 

 

मुंबई : अभिनेत्री स्वरा भास्करचे पती फहद अहमद हे महाविकास आघाडीकडून विधानसभा निवडणूक लढवण्याची शक्यता वर्तवण्यात येत आहे. मुंबईच्या अणुशक्तीनगरमधून फहद अहमद विधानसभा निवडणूक लढवण्यास इच्छूक असल्याची माहिती पुढे आली आहे.

 

राज्यात लवकरच विधानसभा निवडणूकांचं पडघम वाजेल. विधानसभा निवडणूकीकरिता महायूती आणि महाविकास आघाडीमध्ये जागावाटप सुरु आहे. अशातच आता अभिनेत्री स्वरा भास्करचे पती फहद अहमद हे सुद्धा निवडणूकीच्या रिंगणात उतरण्याची शक्यता आहे.

 

 

मिळालेल्या माहितीनुसार, फहद अहमद हे अणुशक्तीनगरमधून निवडणूक लढवण्यास इच्छूक आहेत. याठिकाणी सध्या राष्ट्रवादी काँग्रेसचे नेते नवाब मलिक आमदार आहेत. यावेळी उपमुख्यमंत्री अजित पवार हे पुन्हा एकदा नवाब मलिकांना संधी देणार का? असा प्रश्न निर्माण झाला आहे. तर फहद अहमद हे समाजवादी पक्षाच्या तिकीटावर निवडणूक लढवणार असल्याचे बोलले जात आहे. त्यामुळे महाविकास आघाडीचा घटकपक्ष असलेल्या समाजवादी पक्षाने अणुशक्तीनरची जागा मागितल्याची चर्चा आहेत.