राज्यात इलेक्ट्रॉनिक वाहनांकडे कल वाढला

मुंबई, दि.२ : विशेष प्रतिनिधी राज्यात इलेक्ट्रिक वाहनांच्या नोंदणीत मोठी वाढ नोंदविण्यात आली आहे. राज्याच्या आर्थिक पाहणी अहवालानुसार, डिसेंबर,२०२३ अखेरीस राज्यात ३ लाख ९४ हजार ३३७ बॅटरी इलेक्ट्रोनिक वाहनांची नोंदणी झाली आहे.

राज्याच्या आर्थिक पाहणी अहवाल २०२४ नुसार, राज्यात १ जानेवारी २०२४पर्यंत एकूण वाहनांची संख्या ४.५८ कोटी आहे. ही संख्या आगीत वर्षीच्या तुलनेत ५.८ टक्क्यांनी वाढली आहे. इतकेच नाहीतर राज्यातील एकूण वाहन संख्येच्या १०.३ टक्के वाहने ही केवळ मुंबईत नोंदवली गेली आहेत. राज्यातील सध्या ३ लाख ९४ हजार ३३७ बॅटरी इलेकट्रोनिक वाहनांची नोंदणी झाली आहे. पेट्रोल व डिझेलच्या वाढत्या किंमतीमुळे इलेक्ट्रिक वाहनांच्या खरेदीकडे वाहन चालकांचा रोख वाढत असल्याचे जाणकारांचे म्हणणे आहे.


मात्र, अद्यापही चार्जिंग स्टेशन्सची संख्या आणि इलेक्ट्रिक वाहनांमध्ये बिघाड झाल्यास त्यासाठी आवश्यक यंत्रणाच्या सुविधांमध्ये प्रगती आवश्यक असल्याचे वापरकर्ते सांगतात. मात्र, इलेक्ट्रिक वाहनांसाठी राज्य शासनाने आत्मसात केलेल्या धोरणामुळे इलेक्ट्रिक वाहनांच्या संख्येत दिवसेंदिवस वाढ होताना दिसते आहे. यासोबतच, राज्यात मार्च,२०२४ अखेर मोटार वाहने चालविण्याच्या परवानाधारक चालकांची संख्या ४१९०६ लाख होती जी मागील वर्षीच्या तुलनेत २.७ टक्क्यांनी वाढली आहे. वर्ष २०२३-२४मध्ये ३४.२६ लाख शिकाऊ परवाने देण्यात आले.

दुचाकी                      ३१५९०              ३३३२४

ऑटो                           ११०३               ११६३

हलकी वाहने               ६६३२               ७१००

बस                                 १६२               १७४

माल मोटर                   २१३१                २२६५

ट्रॅक्टर                          १०७९                ११६१

ट्रेलर                               ४७०                ४८३

रुग्णवाहिका                        २१                  २२

इतर                                   १०६               ११९