ज्ञानवापी खटल्याशी अन्सारीचा संबंध!, 'मुस्लिम पक्षाला...'

    01-Apr-2024
Total Views | 82
mukhtar-ansari-used-to-give-donations-to-gyanvapi
 

 
नवी दिल्ली :     कुख्यात गुंड व माफिया मुख्तार अन्सारीचा बांदा येथील तुरुंगात हृदयविकाराच्या झटक्याने मृत्यु झाला होता. त्याच्या मृत्युनंतर अनेक नवनवीन माहिती समोर येत आहे. दरम्यान, कुख्यात गुंड अन्सारीचा संबंध आता ज्ञानवापी प्रकरणाशी असल्याचे समोर आले आहे. दै. भास्करने एका भाजप नेत्याच्या हवाल्यानुसार अहवालात म्हटले की, मुख्तार अन्सारी ज्ञानवापीला देणगी देत ​​असे आणि त्या पैशातून खटले लढवले जात होते, असा दावा करण्यात आला आहे.

दरम्यान, माफिया मुख्तार अन्सारी हा २०१२ पासून ज्ञानवापी खटल्याकरिता पैसे देत असल्याचे समोर आले आहे. अन्सारीच्या मृत्युनंतर आता ज्ञानवापीचा खटला लढवण्यात फरक पडू शकतो, कारण निधीची कमतरता असू शकते, असा दावा करण्यात येत आहे. अन्सारी खटल्यातील महागड्या वकीलांची फीकरिता स्वतः पैसे द्यायचा. त्यामुळे आता अन्सारीच्या मृत्युनंतर ज्ञानवापी खटल्यावर परिणाम होण्याची शक्यता निर्माण झाली आहे.


ज्ञानवापी खटला वाराणसी येथील काशी विश्वनाथ मंदिराशी संबंधित आहे. दरम्यान, या खटल्याची सुनावणी जिल्हा न्यायलयापासून ते उच्च न्यायालय व सर्वोच्च न्यायालयात एकाच दिवशी होत असते. त्यामुळे आता यापुढील खटल्यासाठी वकीलांची फी कोण देणार, असा प्रश्न अन्सारीच्या मृत्युनंतर निर्माण झाला आहे. तसेच, भाजप नेत्याचा दावा आहे की, ज्ञानवापीचा खटला लढवण्यात फरक पडू शकतो, कारण निधीची कमतरता असू शकते.

सदर अहवालात दावा केला आहे की, २०२२ मध्येही ज्ञानवापी खटल्याकरिता केला जाणाऱ्या फंडिंगबाबत मुद्दा उपस्थित करण्यात आला होता. मात्र नंतर ही मागणी शिथिल करण्यात आली. अँटी-माफिया फोरमचे अध्यक्ष आणि भाजप नेते सुधीर सिंह यांचा दावा आहे की, २०१२ मध्ये पहिल्यांदा मुख्तार अन्सारी याने ज्ञानवापीसाठी १० लाख रुपये दिले होते. मुख्तार अन्सारी उपचारासाठी बीएचयूमध्ये पोहोचले होते. येथे त्यांनी मुफ्ती अब्दुल बतीन यांची भेट घेतली. तसेच, या व्यवहारावेळी समाजवादी पक्षाचे नेतेदेखील उपस्थित होते, असा दावाही भाजप नेते सुधीर सिंह यांनी केला आहे.


अग्रलेख
जरुर वाचा
आंतरराष्ट्रीय शिष्टमंडळाचे चित्रनगरीत पारंपरिक पध्दतीने स्वागत

आंतरराष्ट्रीय शिष्टमंडळाचे चित्रनगरीत पारंपरिक पध्दतीने स्वागत

जागतिक स्तरावरील सर्जनशील आशयनिर्माते, मनोरंजन विश्वातील नामांकित उद्योग कंपन्या, व्हीएफएक्सपासून गेमिंगपर्यंत विविध क्षेत्रातील अद्ययावत तंत्रज्ञान हे सगळे एका छताखाली आणणारी मुंबईतील वेव्हज शिखर परिषद यशस्वीपणे संपन्न झाली. १ ते ४ मे दरम्यान आयोजित करण्यात आलेल्या या परिषदेच्या निमित्ताने मुंबई भेटीवर असलेल्या विविध देशातील शिष्टमंडळाचे गोरेगाव येथील दादासाहेब फाळके चित्रनगरीत पारंपरिक पध्दतीने स्वागत करण्यात आले. चित्रनगरीत सुरू असलेले चित्रीकरण, विविध सेट्स यांना भेट देत त्यांनी चित्रिकरणाविषयी सविस्तर..

Email

admin@mahamtb.com

Phone

+91 22 2416 3121