टीम इंडियाच्या 'या' खेळाडूने घेतली राजकीय निवृत्ती!

    02-Mar-2024
Total Views | 126
Team India Politics

नवी दिल्ली :
  लोकसभा निवडणुकीचे पडघम लवकरच वाजण्याची शक्यता आहे. आगामी निवडणुकीच्या पार्श्वभूमीवर राजकीय पक्षांकडून मोर्चेबांधणी सुरू झाली आहे. दरम्यान, भारताचा माजी क्रिकेटपटू तथा खासदार गौतम गंभीर राजकारणातून बाहेर पडण्याचा निर्णय घेतला आहे. गंभीरने आता मोठा निर्णय घेत पुन्हा क्रिकेटवर लक्ष केंद्रित करणार असल्याचे म्हटले आहे.
 
 
दरम्यान, गौतम गंभीरने राजकीय निवृत्तीबाबत ट्विट केले असून त्याने म्हटले आहे की, भाजप अध्यक्ष जे. पी. नड्डा यांना पत्र लिहित यासंदर्भात विनंती केली आहे. मला राजकीय कर्तव्यातून मुक्त करण्याची विनंती केली आहे जेणेकरून मी माझ्या आगामी क्रिकेट वचनबद्धतेवर लक्ष केंद्रित करू शकेन. मी पंतप्रधान नरेंद्र मोदी आणि केंद्रीय गृहमंत्री अमित शहा यांचे मनापासून आभार मानतो. त्यांनी मला जनतेची सेवा करण्याची संधी दिली, असे गंभीरने आपल्या ट्विटमध्ये नमूद केले आहे.


माजी क्रिकेटपटू युवराज सिंगचेही निवडणुकीबाबत स्पष्टीकरण
 
भारताचा माजी क्रिकेटर युवराज सिंग गुरुदासपूर येथून निवडणूक लढविणार आहे, असे बोलले जात होते. यावर आता युवराजने स्पष्टीकरण दिले आहे. तो म्हणाला, मी गुरुदासपूरमधून निवडणूक लढवणार नाही. दरम्यान, फाऊंडेशनच्या माध्यमातूनच लोकांना मदत करेल. तसेच, माध्यमांतून युवराजबद्दल असं सांगण्यात येत होते की भाजप त्यांना गुरुदासपूरमधून उमेदवारी देऊ शकते.

अग्रलेख
जरुर वाचा
‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘संस्कार भारती’ कोकण प्रांताच्या पुढाकारातून सुरु झालेल्या ’THE ROOTS OPEN MIC ’ या उपक्रमाने आपल्या दोन यशस्वी वर्षांची पूर्तता साजरी केली. ‘सा कला या विमुक्तये’ या मूलमंत्रासोबत विविध कलांच्या अभिव्यक्तीसाठी कार्यरत असलेला हा अनोखा उपक्रम. या उपक्रमांतर्गत दर महिन्याच्या तिसर्‍या शनिवारी होणार्‍या कार्यक्रमाच्या यंदाच्या सत्रात मातृदिवस आणि समरसतेसारख्या भावनिक विषयांना वाहिलेली सादरीकरणे करण्यात आली. तसेच दि. 20 मे रोजी येणार्‍या थोर कवी सुमित्रानंदन पंत यांच्या जयंतीनिमित्त त्यांना आदरांजली वाहण्यात ..

Email

admin@mahamtb.com

Phone

+91 22 2416 3121