मशिद पाडलेल्या जागी नमाज पढण्याची मागणी; उच्च न्यायालयाने याचिका फेटाळली

    17-Mar-2024
Total Views | 59
masjid 

नवी दिल्ली :
दिल्लीतील मेहरौली येथे बेकायदेशीरपणे बांधलेल्या एका मशिदीवर कारावाई करण्यात आली होती. या जागेवर रमजानच्या महीन्यात नमाज पढण्याची परवानगी मिळावी म्हणुन याचीका दाखल करण्यात आली होती. ही याचिका दिल्ली उच्च न्यायालयाने फेटाळली आहे.
 
दिल्लीतील मेहरौली येथे असलेल्या या मशिदिचे नाव अखूनजी मशीद असे होते. ही मशिद ६०० वर्षे जुनी असल्याचे सांगितले जाते. ३० जानेवारीला दिल्ली विकास प्राधिकरणाने ती बेकायदेशीर असल्याने जमिनदोस्त केली होती. या मशिदीसोबतच एक मदरसाही डीडीएने पाडला होता. ज्याचे नाव बहरुल मदरसा असे होते. या कारवाईनंतर सुध्दा या जागेवर काही लोक नमाज पढण्यासाठी प्रयत्न करत होते. यापुर्वीही न्यायालयात या मशिदीत नमाज पढण्याची परवानगी मिळावी यासाठी याचिका दाखल करण्यात आली होती. ही जागा दिल्ली वक्फ बोर्डाची जागा आहे असेही या याचिकेत नमुद करण्यात आले होते.
डीडीएच्या या कारवाईनंतर या कारवाई विरोधात अनेकदा याचिका दाखल करण्यात आल्या आहेत. ५ फेब्रुवारी २०२४ ला उच्च न्यायालयाने डीडीएच्या कारवाईचे समर्थन केले होते. त्यानंतर २३ फेब्रुवारीला या जागेवर शब-ए-बारात साजरी करण्याची मागणी करणाऱी याचीका दाखल करण्यात आली होती. ही याचीका सुद्धा उच्च न्यायालयाने फेटाळुन लावली होती.
 
याचिकाकर्त्याच्या म्हणण्यानुसार त्या ठिकाणी अनेकांच्या कुटुंबीयांच्या कबरी आहेत. त्यामुळे तेथे नमाज अदा करण्याची परवानगी मिळावी. पण डीडीएने ही बांधकामे बेकायदेशीर असल्याचे म्हटले होते. युक्तिवाद ऐकल्यानंतर न्यायालयाने याचिकाकर्त्यांची त्या जागेवर नमाज अदा करण्याची मागणी फेटाळली आहे.

अग्रलेख
जरुर वाचा
‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘संस्कार भारती’ कोकण प्रांताच्या पुढाकारातून सुरु झालेल्या ’THE ROOTS OPEN MIC ’ या उपक्रमाने आपल्या दोन यशस्वी वर्षांची पूर्तता साजरी केली. ‘सा कला या विमुक्तये’ या मूलमंत्रासोबत विविध कलांच्या अभिव्यक्तीसाठी कार्यरत असलेला हा अनोखा उपक्रम. या उपक्रमांतर्गत दर महिन्याच्या तिसर्‍या शनिवारी होणार्‍या कार्यक्रमाच्या यंदाच्या सत्रात मातृदिवस आणि समरसतेसारख्या भावनिक विषयांना वाहिलेली सादरीकरणे करण्यात आली. तसेच दि. 20 मे रोजी येणार्‍या थोर कवी सुमित्रानंदन पंत यांच्या जयंतीनिमित्त त्यांना आदरांजली वाहण्यात ..

Email

admin@mahamtb.com

Phone

+91 22 2416 3121