भोंग्यावर हनुमान चालीसा लावली म्हणून कट्टरपंथींकडून मंदिरात दगडफेक!

एका वृत्तसंस्थेने दिलेल्या माहितीनुसार, दि. १३ मार्च रोजी अजवा रोडवरील एकतानगरमध्ये असलेल्या मंदिरात नेहमीप्रमाणे लाऊडस्पीकरवर हनुमान चालीसा पठण सुरु होती. पंरतु कट्टरपंथी जमावाने त्यावर आक्षेप घेतला आणि नंतर दगडफेक सुरु झाली. यावेळी २५ ते ३० लोक तिथे जमा झाली. त्यामुळे स्थानिक हिंदूंनी, कट्टरपंथी जमावाने हनुमान चालीसा बंद करण्यासाठी हा गोंधळ घातल्याचं म्हणटले आहे. तर पोलिसांचे म्हणणे आहे की, हा गोंधळ लाऊडस्पीकरचा आवाज बंद करण्यासाठी होता.

दरम्यान या प्रकरणात आतापर्यंत बापोद पोलीस ठाण्यात एकूण ७ तरुणांविरुद्ध एफआयआर दाखल करण्यात आला आहे. राहिल शेख, आसिफ शेख, सेजन अन्सारी, हुसेन लतीफ, दीपक आणि हरीश सरनिया अशी आरोपींची नावे आहेत.या घटनेबाबत वडोदराचे सह पोलिस आयुक्त मनोज निनामा म्हणाले, “एकता नगर हा हिंदू-मुस्लिम लोकवस्तीचा परिसर आहे. येथे आधी लाऊडस्पीकरच्या आवाजावरून वाद झाला आणि नंतर या वादाचे रुपांतर हाणामारीत झाले. याबाबत बापोद पोलिस ठाण्यात कारवाई सुरू आहे. तिन्ही जखमींवर उपचार सुरू असून, त्यांना कोणतीही गंभीर दुखापत नसून त्यांच्या प्रकृतीतही सुधारणा होत आहे. जखमींमध्ये २ हिंदू आणि १ मुस्लिम आहे. परिसरात आता शांतता आहे.”दरम्यान मंदिर परिसरातील व्हिडिओ फुटेज, साक्षीदार आणि इतर पुराव्यांच्या आधारे पोलीस या प्रकरणाचा तपास करत आहेत.