"यशवंत व्हा! विजय आपलाच आहे!"

भाजपच्या दुसऱ्या यादीवर चंद्रशेखर बावनकुळेंची प्रतिक्रिया

14-Mar-2024

Total Views | 195

मुंबई : बुधवारी भाजपची लोकसभा उमेदवारांची दुसरी यादी जाहीर करण्यात आली असून यात महाराष्ट्रातील नेत्यांची नावंही जाहीर करण्यात आली आहे. दरम्यान, भाजप प्रदेशाध्यक्ष चंद्रशेखर बावनकुळे यांनी यावर आता प्रतिक्रिया दिली आहे. विजय आपलाच आहे. यशवंत व्हा, असे म्हणत त्यांनी सर्व उमेदवारांना शुभेच्छा दिल्या आहेत.

चंद्रशेखर बावनकुळेंनी आपल्या 'X' अकाऊंटवर भाजपची यादी शेअर करत उमेदवारांचे अभिनंदन केले. त्यांनी आपल्या पोस्टमध्ये लिहिले की, "लोकसभा निवडणुकीसाठी भारतीय जनता पार्टीने जाहीर केलेल्या महाराष्ट्रातील सर्व उमेदवारांचे मनःपूर्वक अभिनंदन आणि शुभेच्छा. लाडके पंतप्रधान आदरणीय नरेंद्र मोदीजी यांच्या विकसित भारताच्या ध्येयासाठी महाराष्ट्रातून निर्विवाद पाठबळ लाभेल, ही खात्री मला आहे," असे ते म्हणाले.

आगामी लोकसभा निवडणूकीसाठी भाजप केंद्रीय निवडणूक समितीने महाराष्ट्रातील २० नावांची यादी जाहीर केली आहे. यापैकी चार नवे उमेदवार देण्यात आले आहेत. दरम्यान, यादी जाहीर झाल्यानंतर उमेदवारांनी जल्लोष करत आनंद साजरा केला.