अदानी समुह विदेशी संस्थेशी हातमिळवणी करत २.६ अब्ज डॉलर उभे करणार - सुत्र

 

मुंबई: ' बिझनेस स्टँडर्ड ' या वृत्तसंस्थेने दिलेल्या माहितीनुसार, अदानी ग्रुप पश्चिम आशियातून २.६ अब्ज डॉलरची गुंतवणूक भारतात आणून आपल्या ग्रीन हायड्रोजन, एअरपोर्ट या प्रकल्पासाठी आणू शकते. परदेशी सोव्हरिन फंडिंगची तरतूद करून अदानी समुहाकडून आगामी प्रकल्पाचे विस्तारीकरण करण्यासाठी हा निधी वापरला जाण्याची शक्यता वर्तवली जात आहे. ही गुंतवणूक २०२४ चा मध्यावर भारतीय बाजारात महत्वाची ठरणार असल्याचे आकलन तज्ज्ञांच्या मते केले गेले. याबाबत नक्की कधी गुंतवणूक येईल याबाबत प्राथमिक माहिती निश्चित झाली नाही. मार्च २४ च्या तिमाहीत कंपनीचा ईबिटीडीए (कर,डेप्रिसिएशन, व्याज मोजण्यापूर्वी नफा) हा ८०००० कोटींच्या घरात जाऊ शकतो असा कयास बाजारात केला जात आहे.