दक्षिण कोरियाच्या विमान अपघातात ८५ जणांचा मृत्यू!

   

 

सोल: तब्बल १८१ जणांना घेऊन जाणारे विमान, दक्षिण कोरियाच्या मुआन विमानतळावर कोसळल्याची धक्कादायक घटना २९ डिसेंबरच्या सकाळी घडली आहे. बँगकोकवरून मुआन विमानतळाच्या धावपट्टीवर उतरणारे विमानाला पक्षाने धडक दिल्यानंतर ही दुर्घटना घडल्याचे समोर आले आहे. विमानाच्या लँडींग गिअरमध्ये बिघाड झाल्यानंतर कोसळतानाच धावपट्टीवर एक भला मोठा स्फोट झाला. या स्फोटामुळेच अनेकांचा मृत्यू झाला आहे.

मुआन आंतरराष्ट्रीय विमानतळ हे दक्षिण कोरियाच्या दक्षिणपश्चिम भागात स्थित विमानतळ आहे. दुर्घटना घडल्यानंतर तात्काळ अग्निशमन दलाच्या ३२ गाड्या घटनास्थळी दाखल झाल्या. विमानात नेमका कुठल्या प्रकारची दुर्घटना झाली हे शोधण्यासाठी एक पथक तातडीने रवाना झाले आहे. दक्षिण कोरियाचे कार्यवाहक अध्यक्ष चोई संग-मोक यांनी तातडीने सर्व संसाधनांचा वापर करत लोकांना वाचवण्याचे निर्देश दिले आहेत. २००७ सालानंतर, दक्षिण कोरियाची जेजु एअर या संस्थेसाठी ही दुसरी सर्वात मोठी दुर्घटना घडली आहे.