'हमासचा म्होरक्या आम्हीच संपवला!' पहिल्यांदाच इस्रायलने दिली कबुली

तेल अवीव: कट्टरपंथी आणि दहशतवादी संघटनांचा कर्दनकाळ असणाऱ्या इस्रायलने पहिल्यांदाच आपल्या कामाची कबुली दिली आहे. २३ डिसेंबर रोजी माध्यमांशी संवाद साधताना इस्रायलचे सुरक्षा मंत्री इस्रायल कर्झ म्हणाले की हमासचा म्हरोक्या इस्माईल हनीयेह याला संपवण्यात आमचाच हात होता. येमेनच्या हुथी बंडखोरांना इशारा देत कर्झ म्हणाले की त्यांच्या विरोधात देखील अशीत कठोर कारवाई केली जाईल.

हमास आणि हिजबुल्लाह या दहशतवादी संघटनांच्या विरोधात काही महिन्यांपूर्वी इस्रायलने आघाडी उघडली होती. यामध्ये दोन्ही संघटनांच्या प्रमुख दहशतवाद्यांच्या मुसक्या आवळण्यात इस्रायलला यश आले होते. पूर्णपणे या दहशतवादी संघटना संपल्या नसल्या, तरी युद्धाच्या आघाडीवर त्यांचा निर्णायक पराभव करण्यात इस्रायलला यश आले आहे. २१ डिसेंबर रोजी हथी बंडखोरांना तेल अवीववर मिसाईल हल्ला केला. या हल्ल्यामध्ये किमान १६ जणं जखमी झाले. येमेनच्या बंडखोरांना इशारा देत, त्यांची गत सुद्धा हमास, हिजबुल्लाह सारखी होईल असे सुरक्षा मंत्र्यांनी सांगितले आहे.