दिल्लीच्या 'आप' सरकारने खेळाडूंना वाऱ्यावर सोडले!

तानिया सचदेव यांनी आपल्या X हँडल वर या बद्दल पोस्ट केलीआहे. त्या म्हणाल्या की २००८ पासून मी भारतासाठी बुद्धिबळ खेळत आहे. परंतु आमच्या खेळाला दिल्ली सरकारकडून अजिबात सहकार्य केले गेले नाही. इथली परिस्थीती अत्यंत निराशाजनक आहे. आपल्या पोस्टमध्ये त्यांनी ही गोष्ट अधोरेखित केली की इतर राज्य सरकारांच्या पाठिंब्याने त्यांच्या खेळाडूंना बुद्धिबळात चांगले यश मिळविण्यास प्रवृत्त केले, परंतु दिल्ली सरकार कडून असा कुठलाही प्रयत्न झाला नाही.तानिया सचदेवने २०२२च्या बुद्धिबळ ऑलिम्पियाडमध्ये सांघिक कांस्य पदक जिंकले होते. त्याच्या जोडीला त्यांनी वैयक्तीक पदक सुद्धा जिंकले. २०२४ मध्ये त्यांनी आपल्या खेळात भरारी घेत बुद्धिबळ ऑलिम्पियाडमधे सुर्वण पदक जिंकले. तथापि, दिल्लीतल्या आम आदमी पक्षाच्या सरकारने अजूनही तिच्या कामाची दखल घेतली नाही.