उपमुख्यमंत्री देवेंद्र फडणवीस यांच्या हस्ते स्वराज्य भूमीचे लोकार्पण

गिरगाव चौपाटीवर नागरिकांना अनुभवता येणार महापुरुषांच्या जीवनावर आधारित लाईट अँड साउंड शो

    19-Jan-2024
Total Views | 33
fadanvis

मुंबई:
कॅबिनेट मंत्री मंगलप्रभात लोढा यांच्या संकल्पनेतून प्रभू श्रीराम यांच्या अयोध्येतील प्राणप्रतिष्ठापना सोहळ्यानिमित्त मुंबई येथील गिरगाव चौपाटीवर महापुरुषांच्या जीवनावर आधारित लाईट अँड साउंड शो सुरू होणार आहे. या शिवाय गिरगाव चौपाटी येथील लोकमान्य टिळक उद्यानात ग्लो-गार्डन तयार करण्यात आले. 
 
उपमुख्यमंत्री देवेंद्र फडणवीस यांच्या हस्ते या लाईट अँड साउंड शो आणि ग्लो गार्डनचे आज लोकार्पण करण्यात आले. त्याचप्रमाणे लोकमान्य टिळक उद्यान आणि सभोवतालच्या परिसराला ‘ ‘स्वराज्य भूमी’ असे नाव देण्यात आले. या लाईट अँड साउंड शो च्या माध्यमातून भारतातील महापुरुषांची गाथा उलगडली जाणार आहे. २२ जानेवारी रोजी अयोध्येत प्रभू श्री रामांच्या प्राणप्रतिष्ठापनेच्या निमित्ताने या लाइट अँड साउंड शो च्या माध्यमातून प्रभू श्रीरामांचा जीवनप्रवास सर्वांना अनुभवता येईल.
 
प्रसंगी बोलताना उपमुख्यमंत्री देवेंद्र फडणवीस म्हणाले “ स्वराज्यभूमी हा विषय नेहमीच उचलून धरल्याबद्दल आणि त्या अनुषंगाने हा लाईट अँड साउंड शो सुरु केल्या बद्दल मी मंत्री मंगल प्रभात लोढा यांचे अभिनंदन करतो. आज संपूर्ण भारतात राममय वातावरण झालेलं आहे, या लाईट अँड साउंड शो च्या माध्यमातून प्रभू श्री रामाचे जीवन आपल्याला उलगडून दाखवण्यात येणार आहे. त्याचबरोबर लोकमान्य टिळक, भारतरत्न डॉ. बाबासाहेब आंबेडकर आणि इतर अनेक महापुरुषांचे जीवन आपल्याला येथे बघायला मिळणार आहे. हा अतिशय चांगला उपक्रम सुरु केल्याबद्दल मी सर्वांचे अभिनंदन करतो.
 
कार्यक्रमास मुंबई शहराचे पालकमंत्री दीपक केसरकर, आमदार प्रसाद लाड, विधान परिषद गटनेते प्रवीण दरेकर उपस्थित होते. सदर कार्यक्रमाची संकल्पना मांडलेल्या कॅबिनेट मंत्री मंगल प्रभात लोढा यांच्याकडे कार्यक्रमाचे अध्यक्ष पद होते. 

अग्रलेख
जरुर वाचा
‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘द रूट्स ओपन माईक’च्या दोन यशस्वी वर्षांचा सांस्कृतिक उत्सव!

‘संस्कार भारती’ कोकण प्रांताच्या पुढाकारातून सुरु झालेल्या ’THE ROOTS OPEN MIC ’ या उपक्रमाने आपल्या दोन यशस्वी वर्षांची पूर्तता साजरी केली. ‘सा कला या विमुक्तये’ या मूलमंत्रासोबत विविध कलांच्या अभिव्यक्तीसाठी कार्यरत असलेला हा अनोखा उपक्रम. या उपक्रमांतर्गत दर महिन्याच्या तिसर्‍या शनिवारी होणार्‍या कार्यक्रमाच्या यंदाच्या सत्रात मातृदिवस आणि समरसतेसारख्या भावनिक विषयांना वाहिलेली सादरीकरणे करण्यात आली. तसेच दि. 20 मे रोजी येणार्‍या थोर कवी सुमित्रानंदन पंत यांच्या जयंतीनिमित्त त्यांना आदरांजली वाहण्यात ..

Email

admin@mahamtb.com

Phone

+91 22 2416 3121