अयोध्या यात्रा होणार आणखी सुकर; भाविकांसाठी 'होली अयोध्या' App झाले लाँच; पाहा काय आहेत वैशिष्ट्ये

    15-Jan-2024
Total Views | 89
holy ayodhya app
 
लखनौ: उत्तरप्रदेशचे मुख्यमंत्री योगी आदित्यनाथ यांनी रविवारी १४ जानेवारीला अयोध्येत पर्यटनाशी संबंधी मोबाईल ऍप्लिकेशन लाँच केले आहे. या App मुळे राममंदारात य़ेणाऱ्या भाविकांसाठी आहे. या अॅपला 'होली अयोध्या' असे नाव देण्यात आले आहे.
 
या Appमध्ये अयोध्येतील प्रमुख ठिकाणांची माहिती, नकाशे, वाहतूक व्यवस्था, निवास व्यवस्था यासह अनेक सुविधा उपलब्ध होणार आहेत. हे App अयोध्या विकास प्राधिकरणाने अयोध्येत येणाऱ्या भाविकांना समर्पित केले आहे. योगी सरकार अयोध्येला जागतिक पर्यटन शहर म्हणून स्थापित करण्यासाठी प्रयत्नशिल आहे. जगभरातून येणाऱ्या भाविकांची संख्या लक्षात घेऊन हे App सर्व प्रकारच्या सुविधांसाठी एकच व्यासपीठ म्हणून विकसित करण्यात आले आहे.
 
अयोध्या विकास प्राधिकरणाचे उपाध्यक्ष विशाल सिंह यांनी दिलेल्या माहितीनुसार हे मोबाईल अॅप्लिकेशन अयोध्या शहरात पर्यटकांना त्यांच्या आगमनापासून ते त्यांच्या मुक्कामापर्यंतच्या सर्व गरजा पुरवेल. ज्यामध्ये मुक्कामासाठी होम स्टे, पर्यटनासाठी प्रदूषणमुक्त इलेक्ट्रॉनिक कार, शहर विकासकंपनीने प्रदान केलेल्या इलेक्ट्रॉनिक बसेस, गोल्फ कार्ट्स, हॉप ऑन हॉप ऑफ व्हेइकल्स, व्हील चेअर्स, स्थानिक मान्यताप्राप्त आणि प्रशिक्षित पर्यटक मार्गदर्शक इत्यादींच्या मार्गाची स्थिती, ऑपरेटिंग वेळा आणि ऑनलाइन तिकीट बुकिंगची सुविधा यांचा समावेश आहे.
 
या अॅप्लिकेशन मधील माहीती भारताच्या सर्व २२ अधिकृत भाषांमध्ये उपलब्ध असणार आहे. या अॅपमध्ये उपलब्ध असलेली थ्रीडी मॅप सेवा भविष्यात शहरातील पायाभूत सुविधांमध्ये होणारे बदल दाखवण्यास सक्षम असेल.
 
 
अग्रलेख
जरुर वाचा
बिहारमधील गोपाळगंजमधील घटना, ईदच्या रात्री युवतीचा मृत्यू?

बिहारमधील गोपाळगंजमधील घटना, ईदच्या रात्री युवतीचा मृत्यू?

बिहारमधील गोपालगंजमधील एका युवतीचे धड झाडाला टांगण्यात आले होते. यावेळी युवतीच्या निकटवर्तीयांनी आरोप केला की, गावातील युवकांनी मिळूनच तिच्यावर सामूहिक बलात्कार केला आणि तिची हत्या करण्यात आली. पीडितेने आत्महत्या केली असावी असा समज निर्माण व्हावा यासाठी तिला एका झाडाला टांगण्यात आले होते. संबंधित प्रकरण हे मांझागड ठाणे क्षेत्रातील आहे. पोलिसांनी या प्रकरणात लक्ष घालत युवतीची हत्या करणाऱ्या प्रियकराच्या मुसक्या आवळण्यात आल्या आहेत. पोलिसांनी घडलेल्या घटनेप्रसंगी अनेक तपास करण्यात आले आहेत. या तपासातून संबंधि..

Email

admin@mahamtb.com

Phone

+91 22 2416 3121