नेटफ्लिक्सची माघार, श्रीरामाचा अपमान करणारा ‘अन्नपुर्णी’ चित्रपट वाहिनीवरुन काढून टाकला

या मुद्द्याबद्दल विश्व हिंदु परिषदेचे प्रांत मंत्री मोहन सालेकर यांनी 'महाएमटीबी'शी संवाद साधत, "नेटफ्लिक्सच्या ओटीटी प्लॅटफॉर्मवर प्रदर्शित झालेल्या 'अन्नपूर्णी' चित्रपटामधील आक्षेपार्ह दृश्यांबद्दल बजरंग दलाने तीव्र विरोध केल्यामुळे सदर फिल्म ओटीटी प्लॅटफॉर्मवरून हटविण्यात आली आहे. बजरंग दलाच्या दणक्यामुळे या चित्रपटाचे निर्माते झी स्टुडिओने हिंदू समाजाची माफी मागितली आहे.सदर चित्रपटामध्ये एक ब्राह्मण मुलगी बिर्याणी बनविण्यापूर्वी नमाज पढते आणि त्यामुळे बिर्याणीची चव वाढते, तसेच हिंदू देवी देवता मांसाहारी आहेत अशा प्रकारची अत्यंत आक्षेपार्ह दृश्ये आणि संवाद त्या दाखविण्यात आले होते. हिंदूंच्या भावनांवर आघात करण्याचा प्रयत्न या माध्यमातून वारंवार होताना दिसत आहे. माझी या निर्मात्यांना सूचना आहे की त्यांनी अन्य धर्मीयांच्या बाबतीत अशाच प्रकारचं दृश्य चित्रित करण्याचा प्रयत्न करावा,ज्यामुळे त्यांना लवकरात लवकर जन्नतची द्वारे उघडली जातील आणि त्यांच्या स्वागतासाठी ७२ हुर्या हजर असतील. या निमित्ताने अशा हिंदू विरोधी वाहिन्यांचे आणि चित्रपटांचे निर्माते यांना इशारा देत आहोत,यापुढे तुमचे हे प्रताप हिंदू समाज खपवून घेणार नाही. "नाठाळांचे माथी हाणू काठी "अशी आमच्या संतांची शिकवण आहे", अशा भावना व्यक्त केल्या.