मादी बिबट आणि पिल्लाचे अवघ्या चार तासांत बचावकार्य आणि पुनर्भेट!

पुणे वनविभाग आणि रेस्क्यू पथकाच्या प्रयत्नांना यश

    22-Sep-2023   
Total Views | 53



leopard recue reunion


मुंबई (विशेष प्रतिनिधी):
पुण्यातील वाघोलीजवळ गुरूवार दि. २१ सप्टेंबरच्या सकाळी विहिरीत बिबट्याचे पिल्लू पडल्याचे आढळून आले. पुणे वनविभाग आणि रेस्क्यू पथकाच्या मदतीने अवघ्या चार तासांत बिबट्याचे बचावकार्य तसेच मादी बिबटबरोबर यशस्वी पुनर्भेट घडवुन आणण्यात आली.


leopard recue


गुरूवारी सकाळी विहिरीत बिबट्याचे पिल्लू असल्याचे लक्षात येताच स्थानिकांनी वनविभागाला याबाबत माहिती दिली. वनविभाग आणि पुणे रेस्क्यू चॅरिटेबल ट्रस्टचे स्वयंसेवक तात्काळ घटनास्थळी दाखल झाले. विहिरीत पिंजरा टाकून या पिल्लाच्या बचावकार्याला सुरूवात झाली. पिल्लू पिंजऱ्यात आले आणि त्याला विहिरीतून बाहेर काढल्यानंतर डॉ. पुर्वा यांनी त्याची वैद्यकीय तपासणी केली. पिल्लू सुखरूप आणि चांगल्या स्थितीत असल्यामुळे पुनर्भेट करण्याचे निश्चित करून लगेचच त्याची तयारी सुरू झाली. पुनर्भेटीसाठी पिल्लू असलेला पिंजरा वनक्षेत्रात लावून ठेवण्यात आला. अवघ्या काही वेळातच म्हणजे साधारण ७:४५ च्या सुमारास मादी बिबट पिंजऱ्याजवळ येताच या पिल्लाला पिंजऱ्यातुन मुक्त करण्यात आले. आणि मादी बिबट आणि ३ महिन्यांच्या पिल्लाचे पुनर्भेट घडवुन आणण्यात पुणे वनविभाग आणि रेस्क्यू चॅरिटेबल ट्रस्ट यशस्वी ठरले.

विशेष म्हणजे पाऊस असल्यामुळे पुनर्भेटीची शक्यता कमी होती कारण वन्य प्राणी फारसे बाहेर पडत नाही. परंतू अशी स्थिती असतानाही मादी बिबट पिंजऱ्याजवळ येऊन आपल्या पिल्लाला घेऊन गेली. दुपारी ४ वाजताच्या सुमारास सुरू झालेले हे बचावकार्य आणि पुनर्भेटची क्रिया अवघ्या चारच तासांत यशस्वीपणे पुर्ण झाली.


समृद्धी ढमाले

लेखिका रुईया महाविद्यालयातून पत्रकारितेच्या पदवीधर आहेत. सध्या दै. 'मुंबई तरुण भारत'मध्ये पर्यावरण प्रतिनिधी म्हणून कार्यरत. यापूर्वी विविध 'ह्यूमन इंटरेस्ट स्टोरीज', मुलाखती आणि इतर वार्तांकनासाठी काम. आवाज आणि सूत्रसंचालन या क्षेत्रांमध्ये काम आणि विशेष आवड. 
अग्रलेख
जरुर वाचा
Mock Drill India : देशभरात युद्धाचे

Mock Drill India : देशभरात युद्धाचे 'मॉक ड्रील'! ७ 'मे'ला नक्की काय घडणार?

Mock Drill India : पहलगाम दहशतवादी हल्ल्यानंतर भारत आणि पाकिस्तान यांच्यातील तणाव शिगेला पोहोचला आहे. भारत-पाकिस्तान युद्धाच्या चर्चा असताना दोन्ही देशांकडून जोरदार शक्तीप्रदर्शन होत असल्याचंही पहायला मिळतंय. दोन्ही देशांमध्ये कोणत्याही क्षणी युद्धाला तोंड फुटण्याची शक्यता आहे. या पार्श्वभुमीवर युद्धसज्जतेच्या दृष्टीने केंद्रीय गृहमंत्रालयाने देशातल्या २४४ जिल्ह्यांमध्ये बुधवार दि. ७ मे रोजी 'मॉक ड्रील' अर्थात युद्धकाळातील उपायांचा सराव करण्याचे निर्देश दिले आहेत. . या २४४ जिल्ह्यांमध्ये महाराष्ट्रातल्या ..

Email

admin@mahamtb.com

Phone

+91 22 2416 3121