आयटीआयमधील प्रशिक्षणार्थींच्या विद्यावेतनात भरीव वाढ

आता दरमहा ५०० रुपये मिळणार

18-Aug-2023

Total Views | 36

Maharashtra State Government Take A Decision For ITI Trainee

मुंबई : आयटीआयच्या प्रशिक्षणार्थींना आता वाढीव विद्यावेतन मिळणार आहे. राज्य शासनाकडून आयटीआयमधील प्रशिक्षणार्थीना विद्यावेतनात ४० रुपयांवरुन ५०० रुपये अशी भरीव वाढ करण्याचा निर्णय मंत्रिमंडळ बैठकीत घेण्यात आला आहे. या निर्णयामुळे आयटीआयमधील मागासवर्गीय प्रशिक्षणार्थ्यांना या शैक्षणिक वर्षापासून दरमहा ५०० रूपये इतके विद्यावेतन महाडीबीटी पोर्टलमार्फत देण्यात येणार असून सरकारवर दरवर्षी ७५.६९ कोटीचा आर्थिक भार पडणार आहे.

दरम्यान, आयटीआय प्रशिक्षणार्थ्यांना १९८३ पासून ४० रुपये इतके विद्यावेतन शैक्षणिक साहित्याकरीता व इतर आवश्यक खर्चाकरीता देण्यात येते. या विद्यावेतनात मागील ४० वर्षात कोणतीही वाढ करण्यात आलेली नाही. वाढत्या महागाई दराच्या व शैक्षणिक साहित्यामध्ये खर्चामध्ये झालेल्या वाढीनुसार विद्यावेतनात वाढ करण्याची मागणी सातत्याने लोकप्रतिनिधी व प्रशिक्षणार्थीकडून करण्यात येत होती.