डच चुकताय की शिकताय?

गेल्या काही वर्षांमध्ये युरोपातील विविध देशांनी स्थलांतरितांना मोठ्या प्रमाणावर आपल्या देशात आसरा दिला आहे. स्थलांतरितांना अन्न आणि निवारा उपलब्ध करून दिला जातो. परंतु, काही काळानंतर हे निर्वासित देशाला घातक ठरू लागतात. निर्वासितांना आसरा देऊन नंतर त्याचे काय परिणाम भोगावे लागतात, हे सध्या फ्रान्सइतके स्पष्ट आणि खरे कोणीही सांगू शकत नाही. सध्या फ्रान्स दंगलींनी धुमसत असून ठिकठिकाणी जाळपोळ आणि आंदोलनं सुरू आहेत. रोहिंग्या संकट मोदी सरकारने योग्यरित्या हाताळले नसते, तर कदाचित भारतातील परिस्थिती फ्रान्ससारखी व्हायला वेळ लागला नसता. तिकडे बांगलादेशने आधी रोहिंग्यांना आसरा दिला खरा. परंतु, नंतर त्याचे परिणाम जाणवू लागल्याने रोहिंग्यांना पुन्हा स्वगृही पाठवण्याचा धडाका लावला. नेदरलॅण्ड भारताचा चांगला मित्र आहे. पंतप्रधान नरेंद्र मोदी यांनीही नेदरलॅण्डचा दौरा केला. त्यावेळी रूट यांनी पंतप्रधान मोदी यांना सायकल भेट दिली होती. रूट हे संसदेतही बर्‍याचदा सायकलवर जातात. नेदरलॅण्डमध्ये बहुतांशी लोकांकडे सायकल हमखास असते. याठिकाणी आधुनिक शेती करण्यावर विशेष भर दिला जातो. जागतिक फुल बाजारात नेदरलॅण्डचा वाटा मोठा आहे.