“गोव्यातील म्हादई ३ महिन्यांच्या आत व्याघ्र संवर्धन क्षेत्र म्हणुन घोषित करा”

२०२० मध्ये म्हादई अभयारण्यात वाघीण आणि तिच्या बछड्यांचा विषबाधेमुळे मृत्यू झाला होता. त्यानंतर या अभयारण्याला व्याघ्र प्रकल्प म्हणून आरक्षित करण्याची मागणी जोर धरू लागली होती. त्यानंतरच्या काळात 'तिलारी संवर्धन राखीव वनक्षेत्रा'च्या आसपासच्या भागामध्ये २०१८ साली कॅमेऱ्यात छायाचित्रित केलेली 'TT7' क्रंमाकाची वाघीण ३० जून, २०२१ रोजी 'म्हादई अभयारण्या'मध्ये आढळून आली होती. चिपळूणची 'सह्याद्री निसर्ग मित्र संस्था' (एसएनएम) आणि 'बाॅम्बे नॅचरल हिस्ट्री सोसायटी'च्या (बीएनएचएस) संयुक्त विद्यामाने राबवण्यात आलेल्या 'इ-मॅमल' प्रकल्पाअंतर्गत काही कॅमरा ट्रॅप तिलारीच्या आसपासच्या भागामध्ये २०१८ साली लावण्यात आले होते. या कॅमेरा ट्रॅपमध्ये मार्च, २०१८ मध्ये या वाघिणीची छायाचित्र टिपण्यात आले होते. त्यानंतर मे, २०१८ मध्ये ही वाघिणी चोरला घाटामध्येही आढळून आली होती. जवळपास चार वर्षानंतर ३० जून, २०२१ रोजी या वाघिणीचे छायाचित्र 'म्हादई अभयारण्या'च्या दक्षिण भागामध्ये लावलेल्या कॅमेरा ट्रॅपमध्ये टिपण्यात आले होते. शिवाय कर्नाटकातील नर वाघाचे देखील या अभयारण्यात स्थलांतर केले होते.