फेसबूकला दणका! १३० कोटी डॉलर्सचा दंड!

 

 

 

मुंबई : फेसबुकृ, व्हॉट्सअॅप, इन्स्टाग्राम या सोशल मीडिया साइट्सची मूळ कंपनी मेटा पुन्हा एकदा अडचणीत आली आहे. जगातील आघाडीची सोशल मीडिया साइट मेटाला तब्बल १.३ अब्ज डॉलरचा दंड ठोठावण्यात आला आहे. युरोपियन युनियनने हा दंड ठोठावला आहे. EU ने गोपनीयतेशी संबंधित एका प्रकरणासंदर्भात ही कारवाई केली आहे.

 

फेसबुक-इन्स्टाग्रामची स्थापना युजर्सचा डेटा यूएसला पाठवण्यासाठी करण्यात आली आहे. EU ने मेटाला यूएसला वापरकर्त्यांचा डेटा पाठवणे थांबवण्याची अंतिम मुदत दिली, परंतु कंपनी वापरकर्त्यांच्या वैयक्तिक माहितीचे संरक्षण करण्यात अपयशी ठरली. युरोपियन युनियनने मेटा या सोशल मीडिया प्लॅटफॉर्मवर फेसबुक आणि व्हॉट्सअॅप चालवणाऱ्या कंपनीला यूएसला युजर्सची माहिती पाठवण्यावर बंदी घातली आणि 1.3 अब्ज डॉलरचा दंड ठोठावला.

 

पाच वर्षांपूर्वी गोपनीयतेच्या उल्लंघनाशी संबंधित कठोर कायदे लागू झाल्यापासून युरोपियन युनियनमध्ये लावण्यात आलेला हा सर्वात मोठा दंड आहे. यापूर्वी, 2021 मध्ये, युरोपियन युनियनने महाकाय ई-कॉमर्स कंपनी Amazon वर 746 दशलक्ष युरोचा दंड ठोठावला होता. मेटाने यापूर्वी दशकभरापूर्वी युरोपमधील वापरकर्त्यांसाठी सेवा बंद करण्याचा इशारा दिला होता. मात्र युरोपियन युनियनच्या कठोर आदेशानंतर त्यांनी उच्च न्यायालयात अपील करणार असून त्या निर्णयाला स्थगिती देण्याची विनंती करणार असल्याचे त्यांनी सांगितले आहे.