ममता बॅनर्जींना इंडी आघाडीच्या बैठकीचे आमंत्रण नाही; नाराजी केली व्यक्त

 

 

 

नवी दिल्ली : तीन राज्यात भाजपच्या विजयानंतर इंडी आघाडीच्या बैठकीबाबत राजकीय वातावरण तापले आहे. भाजपकडून काँग्रेसचा दारुण पराभव झाला. यानंतर, 6 डिसेंबर रोजी दिल्लीत होणारी इंडी आघाडीची बैठक पुढे ढकलण्यात आली आहे. मुख्यमंत्री ममता बॅनर्जी, सीएम एमके स्टॅलिन, नितीश कुमार आणि अखिलेश यादव यांनी बैठकीत सहभागी होण्यास नकार दिला आहे. दरम्यान, ममता बॅनर्जी यांनी बैठकीला न येण्याचे कारण दिले आहे. या बैठकीसंदर्भात राहुल गांधींनी फोन केल्याचेही सांगितले. ममता बॅनर्जी यांनी यावेळी आपली नाराजी ही बोलून दाखवली आहे.

 

17 डिसेंबरला विरोधी आघाडीची बैठक होणार आहे. यावर बॅनर्जी म्हणाल्या की, "काँग्रेस नेते राहुल गांधी यांनी दोन दिवसांपूर्वी त्यांच्याशी बैठकीबाबत चर्चा केली होती. मात्र मी त्यांना या बैठकीला उपस्थित राहू शकणार नसल्याचे सांगितले. मुख्यमंत्र्यांना आघाडीच्या बैठकीबाबत किमान सात ते दहा दिवस अगोदर कळवावे, कारण सामान्यत: मुख्यमंत्र्यांचे वेळापत्रक खूप व्यस्त असते. तामिळनाडूचे मुख्यमंत्री एमके स्टॅलिन हेही या बैठकीला उपस्थित राहणार नसल्याचे त्यांनी सांगितले. कारण चेन्नईमध्ये अतिवृष्टीनंतर पूर आल्यास मुख्यमंत्री अशा स्थितीत राज्य सोडू शकत नाहीत."

 

"माझ्या कुटुंबात लग्न आहे, त्यासाठी मी तिथे जात आहे. लग्नानंतर मी शुक्रवारी (8 डिसेंबर) कुर्सियांगमध्ये एक कार्यक्रम करणार आहे, त्यानंतर मी 9 डिसेंबरला अलीपुरद्वारला जाणार आहे. मी 11 डिसेंबरला तिथे असेन. बनारहाट आणि 12 डिसेंबरला सिलीगुडी येथील कार्यक्रमाला उपस्थित राहायचे आहे." यामुळे उपस्थित राहु शकणार नसल्याचे सांगत ममता बॅनर्जी यांनी आपली नाराजी व्यक्त केली.

 

६ डिसेंबरला होणाऱ्या बैठकीची तारीख बदलून 17 डिसेंबर करण्यात आली. बिहारचे मुख्यमंत्री नितीश कुमार, ममता बॅनर्जी, तामिळनाडूचे मुख्यमंत्री एमके स्टॅलिन, झारखंडचे मुख्यमंत्री हेमंत सोरेन, दिल्लीचे मुख्यमंत्री अरविंद केजरीवाल आणि समाजवादी पक्षाचे प्रमुख अखिलेश यादव 6 डिसेंबर रोजी होणाऱ्या बैठकीला उपस्थित राहणार नाहीत. अशी माहिती होती. भारतीय आघाडीची शेवटची बैठक उबाठा गटाचे प्रमुख उद्धव ठाकरे यांच्या मुंबईतील निवासस्थानी पार पडली. त्या बैठकीला राहुल गांधी, सोनिया गांधी आणि पाच राज्यांचे मुख्यमंत्री उपस्थित होते.