‘शाही गरुडा’चे मुंबई महानगरात आगमन; रोडावलेल्या संख्येकडे पक्षीतज्ज्ञांनी वेधले लक्ष

मुंबई महानगरात दिसणारी ही प्रजात पूर्व शाही गरुडाची आहे. तो आग्नेय युरोप, पश्चिम आणि मध्य आशियाई भागांमध्ये प्रजनन करतो, तर ईशान्य आफ्रिका, मध्य पूर्व, दक्षिण आणि पूर्व आशियाई भागांमध्ये हिवाळ्यात स्थलांतर करतो. भारताचा विचार केल्यास प्रामुख्याने राजस्थान आणि गुजरातमध्ये तो प्रामुख्याने स्थलांतर करतो. महाराष्ट्रात त्यांचे स्थलांतर होत असले तरी ते छोट्या-छोट्या भागांमध्ये आणि संख्येने एक किंवा दोन पक्षी याच पद्धतीने होते. सद्यःपरिस्थितीत हा पक्षी कल्याण आणि पुण्याच्या भिगवन परिसरात दिसत आहे. मुंबई महानगरामधील संजय गांधी राष्ट्रीय उद्यान, विरार आणि भांडुप उद्दचन केंद्रामधून देखील या गरुडाच्या नोंदी आहेत. काही दशकांपूर्वी हे पक्षी मोठ्या संख्येने हे पक्षी मुंबई महानगरात स्थलांतर करून येत होते.