ठाण्यात धडकला वनवासीचा उलगुलान मोर्चा ; वनवासींचे लाभ धनगर समाजाला देण्यास विरोध!

सध्या महाराष्ट्रात आरक्षणावरून सर्वच समाज बांधव पेटले असून शुक्रवारी ठाण्यात वनवासी बांधवांनी जिल्हाधिकारी कार्यालयावर वनवासींच्या आरक्षणात धनगरांचा समावेश नको , या मागणीसाठी उलगुलान मोर्चा काढला. या मोर्चामध्ये ठाणे पालघर अशा विविध जिल्ह्यातून अनेक वनवासी बांधव सहभागी झाले होते. नामसाधर्म्याचा फायदा घेऊन अनेकांनी खोटी जात प्रमाणपत्रे बनवून वनवासी समाजाचे आरक्षण लाटल्याचा गंभीर आरोप यावेळी करण्यात आला. तेव्हा, आमच्या आरक्षणाला धक्का लागला तर मुंबईचा पाणी पुरवठा तोडण्यासह महामार्ग बंद पाडण्याचा इशारा वनवासी समाजाच्या नेत्यांनी दिला आहे.