"कुराण ईश्वरनिर्मित आहे, त्याचे पालन व्हायलाच पाहिजे"

 

 

नवी दिल्ली : "कुराण हे ईश्वर निर्मीत आहे, त्यामुळे त्यामध्ये दिलेल्या सर्वच गोष्टी या पाळल्याच पाहिजेत, त्यांना नाही म्हणताच येणार नाही" असे दावे केले आहेत युपीए सरकारच्या काळाला परराष्ट्र मंत्रीपद भूषविलेल्या सलमान खुर्शीद यांनी. कर्नाटकातील हिजाब वादावर सुरु असलेल्या सुनावणीच्या वेळी त्यांनी हे दवे केले आहेत. हिजाब घालण्याचा नियम कुराण मध्येच सांगितला आहे आणि कुराणमध्ये सांगितलेले सर्वच ईश्वराचा संदेश आहे त्यामुळे त्याचे पालन व्हायलाच हवे असेही ते पुढे म्हणाले. इस्लामध्ये कुराणाच्या आदेशाविरोधात जाताच येत नाही त्यामुळे हे करायलाच हवे असे खुर्शीद यांनी न्यायालयात सांगितले.

 

 

कर्नाटकातील हिजाब वादावर सर्वोच्च न्यायालयात सध्या सुनावणी सुरु आहे. न्यायाधीश सुधांशु धुलिया आणि हेमंत गुप्ता यांच्या खंडपीठासमोर ही सुनावणी सुरु आहे. हिजाबचे समर्थन करताना खुर्शीद यांनी हिंदू स्त्रिया घेत असलेल्या घुंगट आणि हिंदू पुरुष परिधान करत असलेली पगडी यांचे उदाहरण दिले. या सर्व हिंदू धर्मियांच्या सांस्कृतिक प्रथा आहेत असे सांगून जर यावर कुठलाही आक्षेप घेतला जात नाही तर मग एकट्या हिजाबवरच का आक्षेप घेतला जातोय असा सवाल उपस्थित केला आहे. हिजाब हा मुस्लिम महिलांचा संकसृतिक अधिकर आहे असे दावेही केले गेले.

 

 

कर्नाटकातील हिजाब वाद आता चांगलाच पेटला आहे. शैक्षणिक संस्थांमध्ये कुठलही धार्मिक वेष परिधान करून येत येणार नाही, यावर आक्षेप घेत मुस्लिम संघटनांकडून कर्नाटक उच्च न्यायालयात तसेच सर्वोच्च न्यायालयात याचिका दाखल केल्या गेल्या आहेत. कर्नाटक उच्च न्यायालयाने यावर प्रश्न उपस्थित करत एखाद्या शैक्षणिक संस्थेने गणवेश ठरवून दिला असेल आणि जर तो परिधान करण्याची सक्ती केली असेल तर तो मूकबहुत अधिकरांचा भंग कसा काय ठरतो? असा सवाल केला होता. त्यावर हिजाब हा मुस्लिम महिलांचा धार्मिक अधिकार आहे आणि न्यायालयाने धार्मिक ग्रंथांचा अर्थ लावू नये असा दावा मुस्लिम पक्षाकडून केला गेला आहे.