भारतात ‘सत्ताधारी’ पक्षाच्या नेत्याला लक्ष्य करण्यासाठी येणाऱ्या आयसिस आतंकवादी रशियात ताब्यात

नवी दिल्ली: रशियाच्या फेडरल सिक्युरिटी सर्व्हिसने (एफएसबी) सोमवारी दावा केला की त्यांनी इस्लामिक स्टेट (आयएस) आत्मघाती 'बॉम्बर'ला ताब्यात घेतले आहे. हा आतंकवादी प्रेषित मोहम्मद यांच्या कथित अपमानाबद्दल सत्ताधारी पक्षातील प्रमुख भारतीय राजकारण्यांना लक्ष्य करण्यासाठी भारतात येण्याची योजना आखत होता. हा माणूस मध्य आशियाई देशाचा नागरिक असून आयएसमध्ये तुर्कीत भरती करण्यात आले, आणि नंतर रशियामध्ये प्रवेश केला.

एफएसबीच्या म्हणण्यानुसार, “तुर्की प्रजासत्ताकच्या प्रदेशात असताना एप्रिल ते जून २०२२ कालावधीत” आयएसच्या एका म्होरक्याने आत्मघातकी 'बॉम्बर' म्हणून त्या व्यक्तीची भरती केली होती. "त्याचे प्रबोधन दूरस्थपणे मेसेंजर "टेलीग्राम" च्या खात्यांद्वारे आणि दहशतवादी संघटनेच्या प्रतिनिधीने इस्तंबूलमधील वैयक्तिक बैठकींद्वारे केले गेले. परिणामी, दहशतवाद्याने ISIS च्या अमीरशी निष्ठेची शपथ घेतली. त्यानंतर, त्याला रशियाच्या प्रदेशात जाण्याचे, आवश्यक कागदपत्रांची पूर्तता करण्याचे आणि दहशतवादी कृत्य करण्यासाठी भारतात उड्डाण करण्याचे काम देण्यात आले, ”एफएसबीच्या निवेदनात म्हटले आहे. एफएसबीने एक व्हिडिओ देखील जारी केला आहे. या व्हिडिओत संशयित दहशतवाद्याने कबूल केले आहे की “प्रेषित मुहम्मदचा अपमान केल्याबद्दल तो भारताच्या सत्ताधारी पक्षाच्या सदस्याविरुद्ध दहशतवादी कृत्य तयार करत होता”.