फ्लेमिंगो अभयारण्यातील सांडपाणी गळतीबाबत 'एमआयडीसी'ला कायदेशीर नोटीस

मुंबई(प्रतिनिधी): महाराष्ट्र प्रदूषण नियंत्रण मंडळाने (एमपीसीबी) सोमवारी दि. १३ रोजी महाराष्ट्र औद्योगिक विकास महामंडळाला '(एमआयडीसी') ठाणे खाडी फ्लेमिंगो अभयारण्यात (टीसीएफएस) सांडपाणी गळती झाल्याबद्दल कायदेशीर नोटीस बजावली आहे. आणि तातडीची पावले न उचलल्यास कायदेशीर कारवाई करण्याचा इशारा दिला. गळती प्लग करण्यासाठी.

 

एमआयडीसीला 'एअर अॅक्ट' आणि 'वॉटर अॅक्ट'च्या संबंधित तरतुदींनुसार जारी करण्यात आलेल्या निर्देशांचे पालन करण्यासाठी सात दिवसांची मुदत देण्यात आली आहे.गेल्या महिन्यात 'एमआयडीसी'च्या ट्रान्स-ठाणे क्रीक (टीटीसी) कॅम्पसमधून प्रक्रिया केलेला औद्योगिक कचरा वाहून नेणारी ऑफशोर पाइपलाइन पावणे, नवी मुंबई फुटली होती. आणि ती अभयारण्यात सांडपाणी टाकत असल्याचे समोर आले होते. ही पाइपलाइन सन २०२१ पासून कार्यान्वित आहे. आणि महापे येथील ट्रीटमेंट प्लांटमधील सांडपाणी ठाणे खाडीच्या मर्यादेपलीकडे खोल समुद्रात वाहून नेण्यासाठी बांधण्यात आली होती. दरम्यान, ठाणे खाडी फ्लेमिंगो अभयारण्यामध्ये वन्यजीव संरक्षण कायदा (१९७२)च्या अंतर्गत वनविभागाच्या कांदळवन कक्षाने, एमआयडीसीविरुद्ध प्राथमिक गुन्हा नोंदवला आहे. मुंबईतील पर्यावरणवादी स्टॅलिन डी यांनी केलेल्या प्रयोगशाळेच्या चाचण्यांनंतर . गळती झालेल्या ठिकाणी आसपास उच्च पातळीचे प्रदूषण आढळून आले होते.

 

डी. स्टॅलिन यांनी पाइपलाइनच्या जवळ दोन एक-लिटर पाण्याचे नमुने गोळा केले होते. जैविक ऑक्सिजन मागणी (बीओडी), रासायनिक ऑक्सिजन मागणी (सीओडी), एकूण विरघळलेले घन पदार्थ आणि आम्लता यासारखे व्यापक पर्यावरणीय मापदंड तपासले गेले. मापदंडांनी प्रदूषणाची उच्च पातळी दर्शविली होती. गेल्या आठवड्यात केंद्रीय पर्यावरण मंत्रालयाने ठाणे खाडी फ्लेमिंगो अभयारण्याची शिफारस रामसर साइट प्रमाणीकरणासाठी केली होती. 'रामसर साईट' म्हणजे आंतर-सरकारी पर्यावरणीय कराराच्या अंतर्गत 'रामसर कन्व्हेन्शन' म्हणून ओळखल्या जाणार्‍या पर्यावरण करारांतर्गत महत्त्व असलेले एक पाणथळ क्षेत्र.

 

“अधिकार्‍यांनी शेवटी कारवाई केली हे चांगलेआहे. परंतु आम्ही या आपत्तीकडे त्यांचे लक्ष वेधण्याचा तीन आठवड्यांहून अधिक वेळ प्रयत्न करत होतो. केंद्राने रामसर दर्जासाठी या जागेची शिफारस केली असताना, अत्यंत प्रदूषित सांडपाणी कोणत्याही हस्तक्षेपाशिवाय प्रमुख फ्लेमिंगो अधिवासात सोडले जात होते. ही एक अतिशय गंभीर बाब आहे,” असे स्टॅलिन डी. म्हणाले.