‘पोलखोल’वरील हल्ला हे बिथरलेल्या शिवसेनेचे लक्षण

 

 

 

सर्वसामान्य मराठी माणसांना बेघर करण्याची दुर्दैवी घटना जिथे घडली, त्या गोरेगावमधील पत्राचाळ परिसरात या ‘पोलखोल अभियाना’ची सुरुवात करण्यात आली आहे. रविवार, दि. १७ एप्रिल रोजी या अभियानाचा शुभारंभ करण्यात आला असून, हे अभियान संपूर्ण मुंबई महापालिका क्षेत्रात राबविले जाणार आहे. जो भ्रष्टाचार मुंबई महापालिकेमध्ये सत्ताधारी शिवसेनेच्या माध्यमातून झाला, तो जनतेसमोर मांडण्यासाठीच आम्ही हे अभियान हाती घेतले आहे. मुंबईतील प्रत्येक विधानसभा मतदारसंघ आणि प्रभागापर्यंत या अभियानाची व्याप्ती असणार आहे.

 

 

 

 

अशा प्रकारच्या घटना महाराष्ट्रात यापूर्वीही घडलेल्या आहेत. छगन भुजबळ हे विधान परिषदेचे विरोधी पक्षनेते असताना एका प्रकरणात त्यांच्या घरावर झालेला हल्ला शिवसेनेने केला होता, हे उघड आहे. पिंपरी-चिंचवडमधील भाजपच्या प्रमुख नेत्यांसोबत झालेला हिंसाचार कुणी घडवून आणला होता? अशी अनेक उदाहरणे आपल्याला सापडतील. आपल्या गैरप्रकारांना पाठीशी घालण्यासाठी जातीयवाद आणि हिंसाचाराचा मोठ्या प्रमाणात गैरवापर महाविकास आघाडीकडून केला जात आहे. त्यांच्यावर झालेली टीका म्हणजे महाराष्ट्राचा अपमान आणि भाजप नेत्यांवर झालेली टीका म्हणजे काहीच नाही, असा दुहेरी न्याय या सरकारकडून लावला जात आहे. भाजपने कधीही कुठल्याही प्रकारच्या राजकीय हिंसेचे समर्थन केलेले नाही आणि अशा प्रकारच्या हिंसात्मक विरोधामुळे भाजप कदापि मागे हटणारदेखील नाही.