सनाउल्लाह गफारी यांची माहिती दिलीत तर यूएस देणार दहा दशलक्ष डॉलर्सचे बक्षीस

अधिसूचनेनुसार, आयसिस - खोरासन नेता शहाब अल-मुहाजिर, ज्याला सनाउल्लाह गफारी म्हणूनही ओळखले जाते, त्याच्या माहितीसाठी यूएस १० दशलक्ष डॉलर पर्यंतचे बक्षीस देऊ करत आहे. २६ ऑगस्ट २०२१ रोजी अफगाणिस्तानमधील काबुल आंतरराष्ट्रीय विमानतळावर झालेल्या दहशतवादी हल्ल्यासाठी जबाबदार असलेल्यांची माहिती देण्यासाठीही हे बक्षीस आहे, असे त्यात म्हटले आहे.

अफगाणिस्तानमध्ये १९९४ मध्ये जन्मलेला गफारी हा आयसिस के या दहशतवादी संघटनेचा सध्याचा नेता आहे. संपूर्ण अफगाणिस्तानमधील सर्व आयसिस के ऑपरेशन्ससाठी निधी मंजूर करणे आणि व्यवस्था करणे यासाठी ते जबाबदार असल्याचे विभागाने म्हटले आहे. काबुल विमानतळावरील हल्ल्याची जबाबदारी आयएसआयएस-के या अमेरिकेने प्रतिबंधित केलेली विदेशी दहशतवादी संघटनाने स्वीकारली असल्याचे म्हंटले जात आहे. या हल्ल्यात १३ अमेरिकन सैनिकांसह किमान १८५ लोक मारले गेले जे नागरिकांना बाहेर काढण्यात मदत करत होते.आयसिस -केच्या केंद्रीय नेतृत्वाने जून २०२० मध्ये गफारीला संघटनेचा नेता म्हणून नियुक्त केले.