पशूबळी बंदी घालायची असेल तर ईदसह कुर्बानीवरही घालायला हवी!

मुंबई : पशूबळी बंदी घालायची असेल तर ईदसह कुर्बानीवरही बंदी यायला हवी, असे स्पष्ट मत लेखिका शेफाली वैद्य यांनी व्यक्त केले आहे. 'अॅनिमल वेलफेअर बोर्ड ऑफ इंडिया'तर्फे जाहीर केलेल्या एकाच्या आधारे त्यांनी हे ट्विट केले आहे. होला बोला काली मंदिरात दिल्या जाणाऱ्या प्राणी बळीप्रथेविरोधात बर्लीन चक्रवर्थींकडून तक्रार करण्यात आली होती. याबद्दल उत्तर देताना बोर्डाने यापूर्वी ही प्रथा थांबविण्याचे दिलेले आदेश रद्दबातल केले आहेत.

बर्लिंन चक्रवर्थी यांनी होला बोला काली मंदिरात प्राण्यांचा बळी देतानाची एक सोशल मीडिया पोस्टचा अधार घेत करत या संदर्भात प.बंगाल पोलीसांत तक्रार केली होती. या संदर्भातील पुढील कार्यवाहीसाठी पोलीसांकडून बोर्डाकडे पाठपुरावा करण्यात आला होता. याला उत्तर देताना बोर्डाने म्हटले आहे की, " प्राणी कायदा १९६० कलम २८ नुसार एखाद्या धार्मिक प्रथेसाठी दिला जाणारा प्राण्यांचा बळी देणे हा गुन्हा ठरवता येत नाहीत. या संदर्भातील एक प्रकरण सध्या सर्वोच्च न्यायालयात प्रलंबित आहे." बोर्डाने या संदर्भातील पत्र प.बंगाल पोलीसांना लिहीले आहे.