आम्हाला त्रास झाला तर सोडणार नाही! धर्मांधांच्या पत्रकार योगिता साळवींना धमक्या

योगिता साळवी

रुपाली चंदनशिवे या तरुणीला बुरखा घालत नाही, धार्मिक रीतीरिवाज पाळत नाही, या रागातून इकबाल शेख (वय-३६) रुपालीला त्रास देत होता. इकबालसह त्याच्या कुटुंबियांकडून होत असलेल्या मानसिक छळाला वैतागून रुपालीने विभक्त राहण्याचा निर्णय घेतला. मात्र, आपण पुन्हा एकत्र गावी जाऊन राहू यासाठी इकबाल आणि त्याचे कुटुंबीय रुपालीकडे मागणी करू लागले. पूर्वानुभव लक्षात घेता त्यांच्या बोलण्यात न अडकता रुपालीने वेगळे राहण्याचा निर्णय कायम ठेवला. याच रागातून २६ सप्टेंबर २०२२ रोजी दिवसा ढवळ्या इक्बालने रूपालीचा लहान मूलादेखत धारधार चाकूने गळा चिरला.

आरोपी इकबालला पोलिसांनी ताब्यात घेतले आहे. या प्रकरणाचा सखोल आढावा घेण्याचे दै. मुंबई तरुण भारतच्या ज्येष्ठ पत्रकार योगिता साळवी यांनी ठरविले. तसेच लव्ह जिहादच्या प्रकरण जगासमोर आणायच्या हेतूने त्या वार्तांकन करण्यासाठी रुपालीच्या घरी गेले असता त्यांना धमकावण्यात आले. याप्रकरणी योगिता साळवी यांनी टिळकनगर पोलीस स्थानकात अब्दुल मेहबूब बादशाह शेख यांच्याविरोधात तक्रार दाखल केली आहे.

 

त्यातील एकाने करिश्माला अडवून "माझं नाव कादीर आहे, मी मुस्लीम समाजाचा कार्यकर्ता आहे. इथले वातावरण पूर्वीपासूनच बिघडलेले आहे. हे प्रकरण लव्ह जिहादचे नाही. आमच्या विभागात पुन्हा दिसू नका. आमच्या समाजाला त्रास झाला तर तुम्हाला सोडणार नाही, अशी थेट धमकी दिल्याची तक्रार साळवी यांनी केली आहे. धमकी देणाऱ्यासह उपस्थित महिलेने आरडाओरड करून १० ते १५ अन्य शेजाऱ्यांना जमवून साळवींसह अन्य सहकाऱ्यांना घेराव घातला. या प्रकारातून सुटका करुन घेतल्यानंतर साळवींसह व करिष्मा भोसले यांनी थेट पोलीस ठाण्यात जाऊन तक्रार नोंदविली.