शिवसेनेतर्फे मुंबईत मालवणी पॅटर्न राबविण्याचा डाव !

 

 

 

 

मुंबई : भायखळ्यातील आग्रीपाडा परिसरात प्रस्तावित असलेल्या उर्दू भाषा शिक्षण केंद्राच्या उभारणीवरून राजकीय आरोप प्रत्यारोपांना सुरुवात झाली आहे. स्थानिकांच्या दाव्यानुसार ही जागा उर्दू भाषा केंद्रासाठी आरक्षित नव्हती मात्र स्थानिक प्रशासन आणि महापालिकेतील काही अधिकाऱ्यांना हाताशी धरून या जागेवर उर्दू भाषा केंद्राची उभारणी केली जात असल्याचा आरोप स्थानिकांसह काही राजकीय पक्षांच्या वतीने केला जात आहे. मुंबई भाजपचे अध्यक्ष आणि मलबार हिलचे आमदार मंगल प्रभात लोढा यांनी भाजप नेत्यांसह या जागेची मंगळावर, दि. १८ जानेवारी रोजी पाहणी केली. यावेळी आ. मंगल प्रभात लोढा यांनी या विषयावर 'दै. मुंबई तरुण भारत'शी विशेष संवाद साधला.

 

 

यावेळी विधान परिषदेचे विरोधी पक्षनेते प्रवीण दरेकर, भाजपचे भायखळा विधानसभा अध्यक्ष नितीन बनकर, भाजप नेते मधू चव्हाण, वॉर्ड 207 च्या स्थानिक भाजप नगरसेविका सुरेखा लोखंडे यांच्यासह भायखळा परिसरातील स्थानिक नागरिक मोठ्या संख्येने उपस्थित होते.

 

 

 

'ही सर्व जागा आयटीआयच्या विद्यार्थ्यांसाठी आरक्षित होती. मात्र राजकीय हेतूसाठी आणि अल्पसंख्यांच्या तुष्टीकरणासाठी स्थानिक नेते आणि स्थायी समिती अध्यक्ष यशवंत जाधव यांनी काही महापालिका अधिकाऱ्यांना हाताशी धरून या ठिकाणी उर्दू भाषा शिक्षण केंद्राची उभारणी करण्याचा घाट घातला आहे. मुळात उर्दूसाठी कधी प्रशिक्षण केंद्राची स्थापना केली जाऊ शकत नाही, त्यामुळे स्थानिक नागरिक हे भवन या ठिकाणी उभारू देणार नाहीत. विधानसभेतील विरोधी पक्षनेते देवेंद्र फडणवीस यांच्या नेतृत्वाखाली भाजप स्थानिकांच्या पाठीशी उभी आहे. विरोधी पक्षनेते प्रवीण दरेकर, मी स्वतः, भाजपचे सर्व नेते, विहिंप आणि बजरंग दलाचे सर्व उपस्थित असलेले कार्यकर्ते आम्हा सर्वांचा या प्रकल्पाला तीव्र विरोध आहे. आमच्या विरोधाला न जुमानता जर या ठिकाणी हे काम असेच सुरु राहिले तर त्यांना हे प्रकरण नक्कीच महागात पडेल, हे शिवसेनेने लक्षात घ्यावे.'

 

 

 

'शिवसेनेला केवळ मुस्लिम समाजाच्या तुष्टीकरणासाठी संपूर्ण मुंबईमध्ये मुस्लिम वस्त्यांच्या वाढीसाठी प्रोत्साहन द्यायचे आहे. आताच्या शिवसेनेला मुस्लिम मतांची हाव आहे आणि यातूनच ते हिंदू समाजाचा गळा दाबण्याचे प्रयत्न सुरु आहेत.'

 

 

 

'केवळ मतांसाठी मराठीचा मुद्दा पुढे करणाऱ्या शिवसेनेला हा प्रश्न विचारला जाणे अधिक संयुक्तिक ठरेल की मराठी भाषेसाठी आणि अस्मितेसाठी ते काय भूमिका घेत आहेत. या प्रश्नावर शिवसेनेने आपली भूमिका स्पष्ट करणे आणि लोकांना त्यांच्या प्रश्नांची उत्तरे देणे गरजेचे आहे.'

 

 

 

'हे पूर्ण सत्य आहे. केवळ अल्पसंख्यांक समाजाच्या तुष्टीकरणासाठी आणि त्यांच्या मतदानासाठी ही लाचारी स्वीकारणे हा शिवसेनेचा नवीन अजेंडा आहे. मात्र शिवसेनेचा हा प्रयत्न आम्ही चालू देणार नाही. निवडणुकीच्या राजकारणासाठी जे काही करायचे ते शिवसेनेने अवश्य करावे मात्र, या जागेवर कुठल्याही किंमतीवर आम्ही उर्दू भाषा शिक्षण केंद्राची उभारणी आम्ही होऊ देणार नाही.'