प्रीती सातम यांच्या हस्ते विकासकामांचे लोकार्पण

मुंबई महापालिका क्षेत्रातील प्रभाग क्रमांक ५२ च्या नगरसेविका प्रिती सातम यांच्या हस्ते प्रभागात विविध विकासकामांचे गुरुवार, दि. २५ नोव्हेंबर रोजी लोकार्पण करण्यात आले. "महिला सुरक्षेचे ठेऊन भान, स्वच्छ आरे अभियान" या शीर्षकाखाली स्वच्छता विषयक पूर्ण झालेल्या विविध कामांचा लोकार्पण कार्यक्रम गुरुवारी पार पडला.

25-Nov-2021

Total Views | 115

मुंबई : मुंबई महापालिका क्षेत्रातील प्रभाग क्रमांक ५२ च्या नगरसेविका प्रिती सातम यांच्या हस्ते प्रभागात विविध विकासकामांचे गुरुवार, दि. २५ नोव्हेंबर रोजी लोकार्पण करण्यात आले. "महिला सुरक्षेचे ठेऊन भान, स्वच्छ आरे अभियान" या शीर्षकाखाली स्वच्छता विषयक पूर्ण झालेल्या विविध कामांचा लोकार्पण कार्यक्रम गुरुवारी पार पडला.

यावेळी बोलताना स्थानिक नगरसेविका प्रिती सातम म्हणाल्या की, पंतप्रधान नरेंद्र मोदी यांच्या स्वच्छ भारत अभियान तसेच आरे कॉलनीतील यूनिट क्रमांक ३१ मधील आराधना वेल्फेअर सोसायटी मधील माझ्या भगिनी व माता यांची स्वच्छता गृहाविना मागील अनेक दिवसांपासून कुचंबणा होत होती. तेव्हा तातडीने मी त्या ठिकाणी भेट दिली आणि महापालिकेच्या माध्यमातून जलदगतीने पोर्टेबल स्वच्छता गृहाची उभारणी करण्यासाठी प्रयत्न केले. लोकप्रतिनिधी म्हणुन अशी काही कामे एक वेगळ मानसिक समाधान देऊन जातात. माझ्या महिला भगिनी व मातांसाठी अशा प्रकारची गोष्टी अत्यंत महत्त्वाच्या आहेत," असे त्या म्हणाल्या. महापालिकेच्या माध्यमातून बांधण्यात आलेल्या या पोर्टेबल स्वच्छता गृहांचे लोकार्पण स्थानिक भागातील आबालवृद्धांच्या उपस्थितीत करण्यात आले.