होमियोपॅथीची सकारात्मक वाटचाल

उदाहरणादाखल पालघरचे एम. एल. ढवळे ट्रस्टचे ’'Institute of Clinical Research' (ICR) चे उदाहरण आपल्याला घेता येईल. ‘आयसीआर’ गेले अनेक वर्षे होमियोपॅथीक सिस्टीमच्या संशोधनाचे व प्रबंधाचे काम करत आलेले आहे. पालघरला फार मोठे होमियोपॅथीचे रुग्णालय उभारून ते रुग्णांना होमियोपॅथीक औषधांचे उपचार केले जात आहेत. होमियोपॅथी आणि मानसोपचार (Psychiatry), होमियोपॅथी आणि बालरोग (Pediatrics), होमियोपॅथी आणि स्त्रीरोग (Gynecology & Obstetrics) इत्यादी सर्व उपशाखांमध्ये संशोधन कार्य चालू आहे. काही असाध्य वाटणारे आजारही होमियोपॅथीमुळे बरे होतात, हे लक्षात आल्यावर अशा आजारांवर संशोधन कार्य सुरू आहे. ‘होमोफिलीया’सारखा आजार जो असाध्य मानला जातो, त्यावरही होमियोपॅथीच्या काही अनुभवी डॉक्टरांनी प्रयोगांसहित प्रबंध लिहिले आहेत व सरकारला होमियोपॅथीची उपयुक्तता दाखवून दिली आहे. कर्करोगासारख्या आजारावरही होमियोपॅथीने यशस्वी उपचार करता येतात, हे अनेक अनुभवी होमियोपॅथीक डॉक्टर्स जगाला दाखवून देत आहेत. मायोस्थेनीचा ग्रेव्हीससारखा असाध्य आजारही होमियोपॅथीने बरा करता येतो, हे जगाने आता पाहिले आहे. त्याचबरोबर वंध्यत्व, ऑटिझम, यकृताचे विकार, किडनीचे विकार, फुप्फुसाचे विकार, Auto immune disorders , आर्थरायटीस, थायरॉईड, कोड, सोरायसीस, लायकेन प्लॅनस, एसएलई इत्यादीचा यशस्वी उपचार हा होमियोपॅथीनेच होऊ शकतो, हे आता राज्यमान्य जरी नसले तरी लोकमान्य झालेले आहे. यातूनच मग होमियोपॅथीक डॉक्टरांना संशोधनाची ऊर्मी मिळते व त्यावरच जगात होमियोपॅथीक सिस्टीम खंबीरपणे पाय रोवून उभी आहे व सतत प्रगती करतेच आहे.

- डॉ. मंदार पाटकर